ലോകാരോഗ്യ സംഘടന (WHO) തിങ്കളാഴ്ച ഖത്തറിലെ എല്ലാ മുനിസിപ്പാലിറ്റികൾക്കും “ഹെൽത്തി സിറ്റി” സർട്ടിഫിക്കേഷൻ നൽകി. ഇതോടെ കിഴക്കൻ മെഡിറ്ററേനിയൻ മേഖലയിലെ എല്ലാ നഗരങ്ങൾക്കും അക്രഡിറ്റേഷൻ നേടുന്ന ആദ്യത്തെ രാജ്യമായി ഖത്തർ.
നേരത്തെ “ഹെൽത്തി എജ്യുക്കേഷൻ സിറ്റി” അവാർഡ് ജേതാവായ ഖത്തർ ഫൗണ്ടേഷൻ (ക്യുഎഫ്) എജ്യുക്കേഷൻ സിറ്റിയിൽ സ്ഥിതി ചെയ്യുന്ന ഖത്തർ യൂണിവേഴ്‌സിറ്റി “ഹെൽത്തി യൂണിവേഴ്‌സിറ്റി” എന്ന അംഗീകാരവും ഇപ്പോൾ നേടിയിട്ടുണ്ട്.
ആരോഗ്യം, സമത്വം, സുസ്ഥിര വികസനം എന്നിവ പ്രോത്സാഹിപ്പിക്കുന്നതിലൂടെ നഗരങ്ങളുടെ സാമൂഹികവും രാഷ്ട്രീയവുമായ അജണ്ടയിൽ ആരോഗ്യത്തെ ഒന്നാമതെത്തിക്കുക എന്ന ലക്ഷ്യത്തോടെ ലോകാരോഗ്യ സംഘടന ആരംഭിച്ച സംരംഭമാണ് ഹെൽത്തി സിറ്റിസ്. ലോകാരോഗ്യ സംഘടന നിശ്ചയിച്ചിട്ടുള്ള മാനദണ്ഡങ്ങൾ പാലിക്കുന്ന ലോകത്തിലെ നഗരങ്ങൾക്കാണ് “ഹെൽത്തി സിറ്റി” അവാർഡ് നൽകുന്നത്.
ഫെബ്രുവരിയിൽ, ദോഹ അൽ റയ്യാൻ മുനിസിപ്പാലിറ്റികളെ “ആരോഗ്യകരമായ നഗരങ്ങൾ” ആയും ഖത്തർ ഫൗണ്ടേഷൻസ് എഡ്യൂക്കേഷൻ സിറ്റി “ആരോഗ്യകരമായ വിദ്യാഭ്യാസ നഗരം” ആയും ലോകാരോഗ്യ സംഘടന അംഗീകാരം നൽകിയിരുന്നു.
ആരോഗ്യവും ക്ഷേമവും പ്രോത്സാഹിപ്പിക്കുക, ഇക്വിറ്റി മെച്ചപ്പെടുത്തുക, എല്ലാ നയങ്ങളിലും ആരോഗ്യം ഉൾപ്പെടുത്തി കമ്മ്യൂണിറ്റികളെ പ്രാപ്തമാക്കുക, സമൂഹത്തിന്റെ വിവിധ മേഖലകളിൽ സഹകരണവും പങ്കാളിത്തവും വർധിപ്പിക്കുന്നതിലൂടെ ആരോഗ്യപ്രശ്നങ്ങളുടെ കാരണങ്ങൾ തടയുക തുടങ്ങിയവ വഴി ജനതയുടെ ആരോഗ്യം മെച്ചപ്പെടുത്തുകയാണ് ഹെൽത്തി സിറ്റി പ്രോഗ്രാം ലക്ഷ്യമിടുന്നത്.
