ഇന്ത്യയിൽ എത്തുന്ന അന്താരാഷ്ട്ര യാത്രക്കാർക്ക് ആശ്വാസമായി എയർ സുവിധ പോർട്ടലിൽ സെൽഫ് ഡിക്ലറേഷൻ ഫോം അപ്‌ലോഡ് ചെയ്യുന്നതിനുള്ള വ്യവസ്ഥ കേന്ദ്ര ആരോഗ്യ മന്ത്രാലയം നീക്കം ചെയ്തു. പുതുക്കിയ ഓർഡർ നവംബർ 22 മുതൽ പ്രാബല്യത്തിൽ വരും.
ഇന്ത്യയിലേക്ക് വരുന്ന എല്ലാ അന്താരാഷ്ട്ര യാത്രക്കാരും അവരുടെ നിലവിലെ ആരോഗ്യ നിലയും സമീപകാല യാത്രാ വിശദാംശങ്ങളും വെളിപ്പെടുത്തി നിർബന്ധമായും പൂരിപ്പിക്കേണ്ട ഒരു സെൽഫ് ഡിക്ലറേഷൻ ആയിരുന്നു എയർ സുവിധ ഫോം.
കൂടാതെ, ഇന്ത്യയിലെത്തുന്ന യാത്രക്കാർക്ക് കോവിഡ് ടെസ്റ്റുകളും ഇപ്പോൾ നിർബന്ധമല്ല. അന്തർദേശീയ യാത്രക്കാർ വാക്സിനേഷൻ എടുത്തിരിക്കേണ്ടതും നിർബന്ധമല്ല – എന്നാൽ വാക്സിനേഷൻ അഭികാമ്യമായി തുടരും. വിമാന യാത്രക്കാർ വിമാനത്തിലും വിമാനത്താവളങ്ങളിലും മാസ്‌ക് ധരിക്കേണ്ടതും അഭികാമ്യമാണ്
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇 https://chat.whatsapp.com/KUkVGQZAiWk2eZ4uRV9HKu
