ദോഹ: ഖത്തറിലെ ഏറ്റവും പുതിയതും ആഡംബരപൂർണ്ണവുമായ സിനിമ തിയേറ്ററായ കത്താറ സിനിമ ഇപ്പോൾ ഔദ്യോഗികമായി തുറന്നു. കത്താറ കൾച്ചറൽ വില്ലേജിലെ ബിൽഡിംഗ് 49 ലാണ് സിനിമാശാല സ്ഥിതി ചെയ്യുന്നത്.
കത്താറ സിനിമ ഒരു വിഐപി ആസ്വാദന അനുഭവത്തിന് സാക്ഷ്യം വഹിക്കുമെന്നു ഖത്തർ ഫിലിം & ഡിസ്ട്രിബ്യൂഷൻ കമ്പനി അതിന്റെ ഔദ്യോഗിക ഫേസ്ബുക്ക് പേജിൽ പറഞ്ഞു.
കത്താറ സിനിമയിൽ നാല് സ്‌ക്രീനുകളും മറ്റ് ഹൈ-ടെക് സൗകര്യങ്ങളും ഉൾപ്പെടുന്നു, അതുവഴി സിനിമാ-വിനോദ വ്യവസായങ്ങളിലെ ഏറ്റവും പുതിയ സാങ്കേതിക അനുഭവങ്ങൾ പ്രദാനം ചെയ്യാനും എല്ലാ ഖത്തരി പൗരന്മാർക്കും താമസക്കാർക്കും പരമാവധി വിനോദത്തിനുള്ള ഒരു വേദിയായി പ്രവർത്തിക്കാനും കഴിയും.
സിനിമയുടെ എല്ലാ സ്‌ക്രീനുകളിലും ക്രിസ്റ്റി റിയൽ ലേസർ പ്രൊജക്ടറുകൾ ഘടിപ്പിച്ചിരിക്കുന്നു. ഇത് മികച്ച ഊർജ്ജസ്വലമായ ഇമേജ് നിലവാരം നൽകുന്നു. ശക്തമായ ഡോൾബി അറ്റ്‌മോസ് ശബ്ദ സംവിധാനങ്ങളോടെയാണ് തിയേറ്റർ, കൂടാതെ ഏറ്റവും ‘ലൈഫ് ലൈക്ക്’ ഓഡിയോ അനുഭവം നൽകുന്നതിന് ഗ്രൗണ്ട് ബ്രേക്കിംഗ് സ്പേഷ്യൽ ഓഡിയോ സാങ്കേതികവിദ്യ ഉപയോഗിക്കുന്നു.
എല്ലാ സ്‌ക്രീനുകളിലും അതിഥികൾക്ക് അവരുടെ ഇരിപ്പിടങ്ങളിൽ നിന്ന് ഭക്ഷണവും പാനീയങ്ങളും ഓർഡർ ചെയ്യാം. ഖത്തറിലെ ഇത്തരത്തിലുള്ള ആദ്യ തിയേറ്ററായ കത്താറ സിനിമ ഒരു കുടുംബത്തിനോ നാലംഗ സംഘത്തിനോ മാത്രമായി സ്വകാര്യ ബാൽക്കണികൾ വാഗ്ദാനം ചെയ്യുന്നു.
സിനിമാപ്രേമികൾക്ക് ടിക്കറ്റിന്റെ മൂന്ന് ചോയ്‌സുകൾ വരെ തിരഞ്ഞെടുക്കാം: സാധാരണ, ഒരൊറ്റ സീറ്റ്; രണ്ട് ആളുകൾക്ക് അനുയോജ്യമായ പ്ലാറ്റിനം; നാലുപേർക്ക് അനുയോജ്യമായ ലോഞ്ച്.
എല്ലാ ടിക്കറ്റുകളും സിനിമയിലോ ഓൺലൈനിലോ Q-ടിക്കറ്റ്‌സിൽ നിന്നോ വാങ്ങാൻ ലഭ്യമാണ്. QR185 മുതൽ ആരംഭിക്കുന്ന ടിക്കറ്റ് നിരക്കുകൾ തരത്തിനനുസരിച്ച് വ്യത്യാസപ്പെടും.
ഈസ്റ്റർ സൺഡേ, ബുള്ളറ്റ് ട്രെയിൻ, ദെയർ നോ സെയിന്റ്സ്, ബഹെബെക്ക് (അറബിക്), മിനിയൻസ് 2: ദ റൈസ് ഓഫ് ഗ്രു (ആനിമേഷൻ) എന്നിവയാണ് കത്താറ സിനിമയിൽ ഇപ്പോൾ പ്രദർശിപ്പിക്കുന്ന സിനിമകൾ.
അതേസമയം, പ്രവർത്തനപരമായ കാരണങ്ങളാൽ ലാൻഡ്‌മാർക്ക് മാളിൽ സ്ഥിതി ചെയ്യുന്ന ഒരു സിനിമാ ശാഖ അടച്ചതായി ഖത്തർ ഫിലിം & ഫിലിം ഡിസ്ട്രിബ്യൂഷൻ കമ്പനി നേരത്തെ അറിയിച്ചിരുന്നു. നിലവിൽ ഡി-റിംഗ് റോഡിലെ മാൾ സിനിപ്ലെക്സിലും അൽ സദ്ദിലെ റോയൽ പ്ലാസയിലുമാണ് ഇത് പ്രവർത്തിക്കുന്നത്. കത്താറ സിനിമ ഇവരുടെ ഏറ്റവും പുതിയ സംരംഭമാണ്.
