ഖത്തറിൽ ‘പൂരി ആൻഡ് കരക്’ ശാഖകളിൽ ഇനി കാർഡ് പേയ്മെന്റ് മാത്രം; നടപടി സാമ്പത്തിക തട്ടിപ്പിനെത്തുടർന്ന്
ദോഹ: ഖത്തറിലെ പ്രമുഖ കാറ്ററിംഗ് ശൃംഖലയായ ‘പൂരി ആൻഡ് കരക്’ (Poori and Karak) തങ്ങളുടെ എല്ലാ ശാഖകളിലും താൽക്കാലികമായി കാർഡ് പേയ്മെന്റ് മാത്രം സ്വീകരിക്കാൻ തീരുമാനിച്ചു. സ്ഥാപനത്തിനുള്ളിൽ നടന്ന വൻ സാമ്പത്തിക ക്രമക്കേടിനെത്തുടർന്നാണ് ഈ അടിയന്തര നടപടി.
കഴിഞ്ഞ വർഷം (2025) ചില ജീവനക്കാരുടെ ഭാഗത്തുനിന്ന് ഉണ്ടായ വലിയ രീതിയിലുള്ള പണം തട്ടിപ്പിന് ഇരയായതായി കമ്പനി ഔദ്യോഗിക പ്രസ്താവനയിലൂടെ സ്ഥിരീകരിച്ചു. ഉപഭോക്താക്കൾ നൽകുന്ന പണം നേരിട്ട് കൈകാര്യം ചെയ്യുന്ന ‘ക്യാഷ് ട്രാൻസാക്ഷനുകൾ’ വഴിയാണ് ഈ നിയമവിരുദ്ധമായ പ്രവർത്തനങ്ങൾ നടന്നത്. കമ്പനിയുടെ ചരിത്രത്തിലെ ഏറ്റവും വലിയ സാമ്പത്തിക നഷ്ടമാണിതെന്ന് മാനേജ്മെന്റ് വ്യക്തമാക്കി.സ്ഥാപനത്തിന്റെ ആസ്തികൾ സംരക്ഷിക്കുന്നതിനും സാമ്പത്തിക ഇടപാടുകളിൽ പൂർണ്ണമായ സുതാര്യത ഉറപ്പാക്കുന്നതിനുമാണ് ക്യാഷ് പേയ്മെന്റുകൾ നിർത്തലാക്കാൻ തീരുമാനിച്ചതെന്ന് കമ്പനി അറിയിച്ചു. ഇനി മുതൽ ബാങ്ക് കാർഡുകൾ വഴി മാത്രമേ ബില്ലുകൾ സ്വീകരിക്കുകയുള്ളൂ. സാമ്പത്തിക മേൽനോട്ട സംവിധാനങ്ങൾ കൂടുതൽ ശക്തമാക്കുന്നത് വരെയുള്ള താൽക്കാലിക ക്രമീകരണം മാത്രമാണിതെന്നും കമ്പനി കൂട്ടിച്ചേർത്തു.
സ്ഥാപനത്തിന്റെ ആസ്തികൾ സംരക്ഷിക്കുന്നതിനും സാമ്പത്തിക ഇടപാടുകളിൽ പൂർണ്ണമായ സുതാര്യത ഉറപ്പാക്കുന്നതിനുമാണ് ക്യാഷ് പേയ്മെന്റുകൾ നിർത്തലാക്കാൻ തീരുമാനിച്ചതെന്ന് കമ്പനി അറിയിച്ചു. ഇനി മുതൽ ബാങ്ക് കാർഡുകൾ വഴി മാത്രമേ ബില്ലുകൾ സ്വീകരിക്കുകയുള്ളൂ. സാമ്പത്തിക മേൽനോട്ട സംവിധാനങ്ങൾ കൂടുതൽ ശക്തമാക്കുന്നത് വരെയുള്ള താൽക്കാലിക ക്രമീകരണം മാത്രമാണിതെന്നും കമ്പനി കൂട്ടിച്ചേർത്തു.
ഈ സംഭവത്തിന്റെ പശ്ചാത്തലത്തിലും നിലവിലെ മറ്റ് ജീവനക്കാരുടെ സേവനത്തിൽ മാനേജ്മെന്റ് പൂർണ്ണ വിശ്വാസം രേഖപ്പെടുത്തി. ജീവനക്കാരുടെ സഹകരണത്തെയും പ്രതിബദ്ധതയെയും പ്രശംസിച്ച കമ്പനി, പുതിയ പേയ്മെന്റ് രീതിയുമായി സഹകരിക്കണമെന്ന് ഉപഭോക്താക്കളോട് അഭ്യർത്ഥിച്ചു.
