യെമനനും സൗദി അറേബ്യയും തമ്മിൽ തടവുകാരെ പരസ്പരം കൈമാറ്റം ചെയ്യാനുള്ള കരാറിനെ ഖത്തർ സ്വാഗതം ചെയ്തു. ഒമാനിലെ മസ്കത്തിൽ ഒപ്പുവെച്ച ഈ കരാർ മാനുഷിക പ്രശ്നങ്ങൾ പരിഹരിക്കുന്നതിലേക്കും സുരക്ഷയും സ്ഥിരതയും ശക്തിപ്പെടുത്തുന്നതിലേക്കും ഒരു പ്രധാന മുന്നേറ്റമാണെന്ന് ഖത്തർ വിലയിരുത്തി.
ഒമാനും സൗദി അറേബ്യയും നൽകിയ പങ്കിനെ പ്രശംസിച്ചു
ബുധനാഴ്ച പുറത്തിറക്കിയ പ്രസ്താവനയിൽ, ഈ വിഷയത്തിൽ ഒമാൻ സുൽത്താനത്തിൻറെയും സൗദി അറേബ്യയുടെയും അക്ഷീണ പരിശ്രമങ്ങളെ ഖത്തർ വിദേശകാര്യ മന്ത്രാലയം പൂർണമായി അഭിനന്ദിച്ചു. കൂടാതെ, യെമനിലേക്കുള്ള യുഎൻ സെക്രട്ടറി ജനറലിന്റെ പ്രത്യേക ദൂതന്റെ ഓഫീസ്, അന്താരാഷ്ട്ര റെഡ് ക്രോസ് കമ്മിറ്റി എന്നിവ നൽകിയ സംഭാവനകളെയും മന്ത്രാലയം പ്രശംസിച്ചു.
യെമനോടുള്ള സ്ഥിരമായ പിന്തുണ ആവർത്തിച്ചു
സുരക്ഷ, സ്ഥിരത, വികസനം എന്നിവയിലേക്കുള്ള യെമൻ ജനതയുടെ ആഗ്രഹങ്ങൾ സാക്ഷാത്കരിക്കാൻ ഖത്തർ തുടർച്ചയായ പിന്തുണയും സഹായവും നൽകുമെന്നും, സഹോദര രാഷ്ട്രമായ യെമനോടുള്ള പ്രതിബദ്ധത അചഞ്ചലമാണെന്നും ഖത്തർ വീണ്ടും ആവർത്തിച്ചു.
