പ്രധാനപ്പെട്ട മുനിസിപ്പൽ സേവനങ്ങളെല്ലാം വിരൽത്തുമ്പിൽ; ഔൺ ആപ്പ് ഉപയോഗിക്കാൻ ഖത്തറിലുള്ളവരെ പ്രോത്സാഹിപ്പിച്ച് മന്ത്രാലയം

ഖത്തർ റെസിഡൻസിനെ ഔൺ ഉപയോഗിക്കാൻ പ്രോത്സാഹിപ്പിച്ച് മുനിസിപ്പാലിറ്റി മന്ത്രാലയം. ഇത് വൈവിധ്യമാർന്നതും സൗജന്യവുമായ പൊതു സേവനങ്ങളിലേക്ക് വേഗത്തിൽ ആക്‌സസ് ലഭിക്കാൻ സഹായിക്കുന്നു.

ഖത്തറിന്റെ സസ്റ്റയിനബിൾ സ്ട്രാറ്റജിക് പ്ലാനിന്റെ ഭാഗമായി 2018 സെപ്റ്റംബറിൽ ആരംഭിച്ച ഈ ആപ്പ്, താമസക്കാർക്ക് അത്യാവശ്യമായ ഒന്നായി വളർച്ച കൈവരിച്ചു. മുമ്പ് ഫോൺ കോളുകളോ ഓഫീസ് സന്ദർശനങ്ങളോ ആവശ്യമായിരുന്ന നൂറുകണക്കിന് സേവനങ്ങൾ ഇപ്പോൾ ആപ്പിലൂടെ പൂർത്തിയാക്കാം.

ഔൺ ആപ്പ് വഴി, താമസക്കാർക്ക് കീട നിയന്ത്രണം, വലിയ മാലിന്യ വസ്‌തുക്കൾ നീക്കം ചെയ്യൽ, മലിനജല സേവനങ്ങൾ, മഴവെള്ളം നീക്കം ചെയ്യൽ എന്നിവ അഭ്യർത്ഥിക്കാം, ഉപേക്ഷിക്കപ്പെട്ട വാഹനങ്ങൾ അല്ലെങ്കിൽ എലിശല്യം പോലുള്ള പ്രശ്നങ്ങൾ പോലും റിപ്പോർട്ട് ചെയ്യാം. ഉപയോക്താക്കൾക്ക് പരാതികളുള്ള ഫോട്ടോകൾ അപ്‌ലോഡ് ചെയ്യാനും തത്സമയം അവരുടെ അഭ്യർത്ഥനകൾ ട്രാക്ക് ചെയ്യാനും ഇതിലൂടെ കഴിയും.

മാപ്പുകൾ, ദിശകൾ, ടാക്‌സി ലിങ്കുകൾ എന്നിവ ഉപയോഗിച്ച് ഖത്തറിലുടനീളമുള്ള പാർക്കുകൾ കണ്ടെത്താൻ ഉപയോക്താക്കളെ സഹായിക്കുന്ന സെർച്ച് പാർക്കുകൾ ഫംഗ്ഷനാണ് ആപ്പിന്റെ ശ്രദ്ധേയമായ സവിശേഷതകളിലൊന്ന്. പാണ്ട ഹൗസ് പാർക്ക്, അൽ ഖോർ ഫാമിലി പാർക്ക് തുടങ്ങിയവയിലേക്കുള്ള ടിക്കറ്റ് ബുക്ക് ചെയ്യാനും ആപ്പ് അനുവദിക്കുന്നു.

അടുത്തിടെ, കാർഷിക കാര്യ വകുപ്പുമായി സഹകരിച്ച് വിത്തുകൾ, തൈകൾ, വളങ്ങൾ എന്നിവ ഇറക്കുമതി ചെയ്യുന്നതിനുള്ള പെർമിറ്റുകൾ പോലുയുള്ള, കൃഷിയുമായി ബന്ധപ്പെട്ട സേവനങ്ങൾ ഉൾപ്പെടുത്താൻ ഔൺ വികസിപ്പിച്ചു.

ഔൺ ആപ്പ് ഉപയോഗം താമസക്കാർക്ക് ഒരു ഖത്തർ ഐഡിയും മൊബൈൽ നമ്പറും മാത്രമേ ആവശ്യമുള്ളൂ. ആൻഡ്രോയിഡിലും iOS-ലും ആപ്പ് സൗജന്യമായി ഡൗൺലോഡ് ചെയ്യാം.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/ED8ORmgg0VSJ8jRlQrvpiq?mode=ems_copy_c