ഖത്തറിലെ തദ്ദേശീയ ടെക് സ്റ്റാർട്ടപ്പായ സ്നൂനു, സൗദി അറേബ്യയിലെ ഓൺ-ഡിമാൻഡ് സേവനങ്ങളുടെ മുൻനിര സംയോജിത എക്കോസിസ്റ്റമായ ജഹെസ് ഗ്രൂപ്പുമായി യോജിക്കുന്നു. ഗൾഫിലെ ഡിജിറ്റൽ മേഖലയിൽ നിർണായക ഉണർവായേക്കാവുന്ന ഒത്തുചേരലിനാണ് ഇത് വഴിയൊരുക്കുന്നത്.
ഖത്തറിലെ ഏറ്റവും വേഗത്തിൽ വളരുന്ന ടെക് കമ്പനിയായ സ്നൂനു വിന്റെ മൂല്യം 1 ബില്യൺ റിയാലിലധികം കവിഞ്ഞിരുന്നു. ഇത് ഈ നാഴികക്കല്ല് കടക്കുന്ന ആദ്യത്തെ ഖത്തരി ടെക് സ്റ്റാർട്ടപ്പായി സ്നൂനുവിനെ മാറ്റുന്നു. ഖത്തറിലെ ആദ്യത്തെ യൂണികോൺ ആകുന്നതിനും ജിസിസിയിലെ ഏറ്റവും ചലനാത്മകമായ സാങ്കേതിക ശക്തികളിൽ ഒന്ന് സ്ഥാപിക്കുന്നതിനുമുള്ള സ്നൂനുവിന്റെ തുടർച്ചയിലാണ് ജഹെസ് ഗ്രൂപ്പുമായുള്ള കൈകോർക്കൽ.
ഈ ഇടപാട് സ്നൂനുവിന്റെ വളർച്ചാ പാതയിലെ ശക്തമായ ആത്മവിശ്വാസം കാണിക്കുകയും, പ്രാദേശിക വികാസത്തിലും അതിന്റെ പ്ലാറ്റ്‌ഫോമുകളിലുടനീളം നവീകരണം വർദ്ധിപ്പിക്കുന്നതിലും കമ്പനിയെ പിന്തുണയ്ക്കുകയും ചെയ്യും.
അത്യാധുനിക സൊല്യൂഷനുകൾ നൽകാനും, പ്രാദേശിക പ്രതിഭകളെ വളർത്തിയെടുക്കാനും, ഖത്തറിന്റെ വളരുന്ന സാങ്കേതിക ആവാസവ്യവസ്ഥയിലേക്ക് സംഭാവന നൽകുന്നതിന് ലോകമെമ്പാടുമുള്ള മിടുക്കരായ മനസ്സുകളെ ആകർഷിക്കാനുമുള്ള സ്നൂനുവിന്റെ ദൗത്യത്തെ ഈ സംരംഭം ത്വരിതപ്പെടുത്തുന്നു.
