ലുസൈൽ ഇന്റർനാഷണൽ സർക്യൂട്ടിൽ നിങ്ങൾക്കും ഡ്രൈവ് ചെയ്യാം, റമദാനിലെ കമ്മ്യൂണിറ്റി പരിപാടികൾ പ്രഖ്യാപിച്ച് എൽഐസി

ഖത്തറിലെ മുൻനിര മോട്ടോർസ്പോർട്ട്സ്, വിനോദ വേദിയായ ലുസൈൽ ഇന്റർനാഷണൽ സർക്യൂട്ട് (എൽഐസി) റമദാനിലെ കമ്മ്യൂണിറ്റി പരിപാടികൾ പ്രഖ്യാപിച്ചു. ട്രാക്ക്, സൈക്ലിംഗ് ഡേയ്‌സിന്റെ ഷെഡ്യൂൾ ഇപ്പോൾ ലൈവായിട്ടുണ്ട്.

കാർ ട്രാക്ക് ഡേയ്‌സ്. ഐക്കണിക് സർക്യൂട്ടിൽ ഡ്രൈവ് ചെയ്യാം:

എല്ലാ കാറോട്ട പ്രേമികൾക്കും സ്വാഗതം. ഫോർമുല 1, വേൾഡ് എൻഡുറൻസ് ചാമ്പ്യൻഷിപ്പ് (ഡബ്ല്യുഇസി) ഇവന്റുകൾ ആതിഥേയത്വം വഹിക്കുന്ന പ്രശസ്‌തമായ 5.38 കിലോമീറ്റർ സർക്യൂട്ടിൽ ഡ്രൈവ് ചെയ്യാൻ എൽഐസി നിങ്ങൾക്ക് അവസരം നൽകുന്നു. മാർച്ച് 20 വ്യാഴാഴ്ച്ച വൈകുന്നേരം 7:30 മുതൽ രാത്രി 11:45 വരെ ഞങ്ങളോടൊപ്പം ചേരുക. ചെക്ക്-ഇൻ പിറ്റ് ബോക്‌സ് 50-ൽ ആയിരിക്കും.

സുരക്ഷ ഉറപ്പാക്കാൻ, പങ്കെടുക്കുന്നവരെ രണ്ട് ഗ്രൂപ്പുകളായി വിഭജിക്കും, ഓരോരുത്തർക്കും 20 മിനിറ്റ് വീതമുള്ള മൂന്ന് സെഷനുകൾ ലഭിക്കും, ആകെ ഒരു മണിക്കൂർ ട്രാക്ക് സമയമാണ് ലഭിക്കുക.

പ്രവേശന ഫീസ്: കാറിന് QR900 (രാത്രി സെഷൻ)
യാത്രക്കാരുടെ ഫീസ്: QR250
പകൽ ഫീസ്: പിന്നീട് പ്രഖ്യാപിക്കും
രജിസ്ട്രേഷൻ: ഔദ്യോഗിക പോർട്ടൽ വഴി മുൻകൂട്ടി രജിസ്റ്റർ ചെയ്യണം

മോട്ടോർസൈക്കിൾ ട്രാക്ക് ഡേയ്‌സ്. 16 ടേണുകൾ കീഴടക്കാം:

2004 മുതൽ മോട്ടോജിപിയുടെ ഒരു പ്രധാന ഘടകമായ 16-ടേൺ സർക്യൂട്ട് മോട്ടോർസൈക്കിൾ റൈഡർമാർക്ക് അനുഭവിക്കാൻ കഴിയും. മാർച്ച് 21 വെള്ളിയാഴ്ച്ച വൈകുന്നേരം 7:30 മുതൽ രാത്രി 11:45 വരെ പിറ്റ് ബോക്‌സ് 50-ൽ ചെക്ക്-ഇൻ ചെയ്യുക.

റൈഡർമാരെ രണ്ട് ഗ്രൂപ്പുകളായി വിഭജിക്കും, ഓരോരുത്തർക്കും മൂന്ന് 20 മിനിറ്റ് സെഷനുകൾ ആസ്വദിക്കാം, ആകെ ഒരു മണിക്കൂർ ട്രാക്ക് സമയം ലഭിക്കും.

പ്രവേശന ഫീസ്: മോട്ടോർസൈക്കിളിന് QR900 (രാത്രി സെഷൻ)
പകൽ ഫീസ്: പ്രഖ്യാപിക്കും
രജിസ്ട്രേഷൻ: ഔദ്യോഗിക പോർട്ടൽ വഴി മുൻകൂട്ടി സൈൻ അപ്പ് ചെയ്യുക

സൈക്ലിംഗ് ഡേയ്‌സ്. സർക്യൂട്ട് മുഴുവൻ സഞ്ചരിക്കാം:

ഖത്തർ സൈക്ലിംഗ് ഫെഡറേഷനുമായി സഹകരിച്ച്, എൽഐസി പ്രത്യേക സൈക്ലിംഗ് പരിപാടികൾ സംഘടിപ്പിക്കുന്നു:

മിക്‌സഡ് സൈക്ലിങ് ഡെയ്‌സ്: 2025 മാർച്ച് 15 വെള്ളിയാഴ്ച്ച, വൈകുന്നേരം 6 മുതൽ രാത്രി 8:30 വരെ
റമദാൻ സൈക്ലിംഗ് വ്യക്തിഗത സമയ ട്രയൽ: 2025 മാർച്ച് 15 വെള്ളിയാഴ്ച്ച, രാത്രി 9 മണിക്ക് ആരംഭിക്കുന്നു
ലേഡീസ് സൈക്ലിംഗ് ദിനം: 2025 മാർച്ച് 25 തിങ്കൾ, വൈകുന്നേരം 6 മുതൽ രാത്രി 8:30 വരെ
സൈക്ലിംഗ് പരിപാടികൾക്ക്, പങ്കെടുക്കുന്നവർ ഓൺ-സൈറ്റ് രജിസ്ട്രേഷനായി അവരുടെ ഖത്തർ ഐഡി കാണിക്കണം.

മാർച്ച് 15-ന് മിക്‌സഡ് പരിശീലന ദിനത്തിന് ശേഷം, ലുസൈൽ ഇന്റർനാഷണൽ സർക്യൂട്ടിലെ ഏറ്റവും വേഗതയേറിയ സൈക്ലിസ്റ്റ് ആരാണെന്ന് കാണാൻ റമദാൻ സൈക്ലിംഗ് വ്യക്തിഗത സമയ ട്രയലിൽ പങ്കെടുക്കുക!

രജിസ്റ്റർ ചെയ്യാൻ ഇവിടെ ക്ലിക്ക് ചെയ്യുക.

കൂടുതൽ വിവരങ്ങൾക്ക് ബന്ധപ്പെടുക:
📞 +974 4445 9555 / +974 4472 9246
📧 info@lcsc.qa

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx