ഖത്തർ അമീർ ഷെയ്ഖ് തമീം ബിൻ ഹമദ് അൽതാനി 2025 ഫെബ്രുവരി 17, 18 തീയതികളിൽ ഇന്ത്യ സന്ദർശിക്കും.
ഇന്ത്യയും ഖത്തറും തമ്മിലുള്ള ബന്ധത്തിൻ്റെ വിവിധ വശങ്ങൾ ചർച്ച ചെയ്യുന്നതിനായി തൻ്റെ സന്ദർശന വേളയിൽ അദ്ദേഹം പ്രധാനമന്ത്രി നരേന്ദ്ര മോദിയെ കാണും. വിദേശകാര്യ മന്ത്രാലയം (MEA) പറയുന്നതനുസരിച്ച്, ഈ സന്ദർശനം ഇരു രാജ്യങ്ങളും തമ്മിലുള്ള വർദ്ധിച്ചുവരുന്ന പങ്കാളിത്തം ശക്തിപ്പെടുത്താൻ സഹായിക്കും.
മന്ത്രിമാരും മുതിർന്ന ഉദ്യോഗസ്ഥരും വ്യവസായ പ്രമുഖരും അടങ്ങുന്ന ഉന്നതതല സംഘവും അമീറിനൊപ്പം ഉണ്ടാകും.
പ്രധാനമന്ത്രി നരേന്ദ്ര മോദിയുടെ ക്ഷണപ്രകാരമാണ് അദ്ദേഹം ഇന്ത്യ സന്ദർശിക്കുന്നത്. 2015 മാർച്ചിലാണ് അമീർ ആദ്യമായി ഇന്ത്യ സന്ദർശിക്കുന്നത്. ഇത് അദ്ദേഹത്തിൻ്റെ രണ്ടാമത്തെ ഇന്ത്യ സന്ദർശനമാണ്.
ഫെബ്രുവരി 18-ന് രാഷ്ട്രപതി ഭവനിൽ അദ്ദേഹത്തിന് സ്വീകരണം നൽകും. രാഷ്ട്രപതി ദ്രൗപതി മുർമുവിനെയും അദ്ദേഹം കാണും. അമീറിനുള്ള ബഹുമാനാർത്ഥം വിരുന്നും സംഘടിപ്പിക്കും.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
