![](https://qatarmalayalees.com/wp-content/uploads/2022/09/image_editor_output_image226199075-1664477013541-780x470.jpg)
![](https://qatarmalayalees.com/wp-content/uploads/2022/09/image_editor_output_image226199075-1664477013541-780x470.jpg)
ദോഹ: വിപുലീകരണ പദ്ധതികളുടെ ഭാഗമായി ഖത്തർ ഫ്യുവൽ (വുഖൂദ്) 2022 സെപ്റ്റംബർ 28 ബുധനാഴ്ച ഉമ്മുബാബ് പെട്രോൾ സ്റ്റേഷൻ തുറന്നു. ഇത് ഉമ്മുബാബിനും സമീപ പ്രദേശങ്ങളിലുമുള്ള ഉപഭോക്താക്കൾക്ക് 24 മണിക്കൂറും സേവനം നൽകും.
14500 ചതുരശ്ര മീറ്റർ വിസ്തൃതിയിൽ വ്യാപിച്ചുകിടക്കുന്ന പുതിയ സ്റ്റേഷനിൽ ലൈറ്റ് വാഹനങ്ങൾക്കായി 6 ഡിസ്പെൻസറുകളുള്ള 3 ലെയ്നുകളും, ഹെവി വാഹനങ്ങൾക്കും ബസുകൾക്കും 3 ഡിസ്പെൻസറുകളുള്ള 3 ലെയ്നുകളും ഉൾപ്പെടുന്നു.
കൂടാതെ സിദ്ര കൺവീനിയൻസ് സ്റ്റോർ, മാനുവൽ കാർ വാഷ്, ഓയിൽ ചേഞ്ച്, ടയർ റിപ്പയർ, ലൈറ്റ് വാഹനങ്ങൾക്കും ബസുകൾക്കുമുള്ള ഡീസൽ ഉൽപന്നങ്ങൾ, കൂടാതെ എൽപിജി സിലിണ്ടറുകളുടെ വിൽപ്പന “SHAFAF” എന്നിവയും സ്റ്റേഷനിൽ ലഭ്യമാണ്.
ആറ് പുതിയ ഇന്ധന സ്റ്റേഷനുകളുടെ നിർമ്മാണത്തിലാണ് ഇപ്പോൾ വുഖൂദ്. അവയിൽ മിക്കതും 2022 നാലാം പാദത്തിൽ പ്രവർത്തനക്ഷമമാകുമെന്ന് പ്രതീക്ഷിക്കുന്നു.