ഗാസയെ പിന്തുണക്കുന്നതിനായി ചാരിറ്റി ക്യാമ്പയിൻ; തലാബത്തും ക്യുആർസിഎസും ചേർന്ന് മൂന്നു ലക്ഷം റിയാലിലധികം സമാഹരിച്ചു

ഖത്തർ റെഡ് ക്രസന്റ് സൊസൈറ്റിയും (ക്യുആർസിഎസ്) മിഡിൽ ഈസ്റ്റിലെ പ്രമുഖ ഡെലിവറി ആപ്പായ തലാബത്തും ചേർന്ന് ഗാസയെ പിന്തുണയ്ക്കുന്നതിനുള്ള ഒരു ചാരിറ്റി ക്യാമ്പയ്‌നിൽ ഒരുമിച്ച് പ്രവർത്തിക്കുകയും 300,000 റിയാലിലധികം സമാഹരിക്കുകയും ചെയ്‌തു.

ഒരു മാസത്തെ കാമ്പെയ്‌നിന് തലാബത്ത് ഉപയോക്താക്കളിൽ നിന്ന് വളരെ മികച്ച പ്രതികരണമാണ് ലഭിച്ചത്, അവർ അവരുടെ റിവാർഡ് പോയിന്റുകൾ ആപ്പ് വഴി സംഭാവനകളാക്കി മാറ്റി ഗാസക്ക് നൽകി.

ഗാസയിലെ ജനങ്ങൾക്ക് ഭക്ഷണം, വെള്ളം, വൈദ്യസഹായം എന്നിവ നൽകാൻ സഹായിക്കുന്നതിനായി ഈ പണം ക്യുആർസിഎസിലേക്ക് നൽകും.

ഖത്തർ ജനതയുടെ ദയയ്ക്കും പിന്തുണയ്ക്കും ക്യുആർസിഎസ് സെക്രട്ടറി ജനറൽ ഫൈസൽ മുഹമ്മദ് അൽ-ഇമാദി നന്ദി പറഞ്ഞു.

അദ്ദേഹം പറഞ്ഞു: “ഖത്തർ ജനത പലസ്തീൻ സഹോദരീസഹോദരന്മാരോട് കാണിക്കുന്ന ശക്തമായ ഐക്യദാർഢ്യത്തിന്റെ മറ്റൊരു ഉദാഹരണമാണിത്. ചെറിയ സംഭാവനകൾക്ക് പോലും ഗാസയിലെ ജനങ്ങൾക്ക് വലിയ മാറ്റമുണ്ടാക്കാൻ കഴിയും.”

ക്യുആർസിഎസും തലാബത്തും ഒരുമിച്ച് പ്രവർത്തിക്കുന്നത് ഇതാദ്യമല്ല. 2024 നവംബറിൽ, ഗാസയിലും ലെബനനിലും യുദ്ധക്കെടുതിയിൽ അകപ്പെട്ട ജനങ്ങൾക്കുള്ള ദുരിതാശ്വാസ പ്രവർത്തനങ്ങളെ പിന്തുണയ്ക്കുന്നതിനായി നടത്തിയ സമാനമായ ഒരു കാമ്പെയ്‌ൻ 1.1 ദശലക്ഷത്തിലധികം റിയാലിലധികം സമാഹരിച്ചു.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t