ദോഹ: റമദാൻ മാസത്തിലേക്കുള്ള ഉംറ പെർമിറ്റുകൾ 2022 മാർച്ച് 6 ഞായറാഴ്‌ച മുതൽ ഇഅ്തമര്‍ന, തവക്കൽന ആപ്ലിക്കേഷനുകൾ വഴി ലഭ്യമായിത്തുടങ്ങിയതായി സൗദി അറേബ്യ അറിയിച്ചു.
ലഭിച്ച പെർമിറ്റ് തീയതി മാറ്റാൻ ആഗ്രഹിക്കുന്നവർ ആദ്യം പെർമിറ്റ് ഡിലീറ്റ് ചെയ്യുകയും പുതിയ തീയതിയിൽ മറ്റൊരു പെർമിറ്റ് വീണ്ടും ഇഷ്യു ചെയ്യുകയും വേണം. പരമാവധി വിശ്വാസികൾക്ക് ഉംറ നിർവഹിക്കാനുള്ള അവസരം നൽകുന്നതിന്റെ ഭാഗമാണിത്.
ഉംറ ബുക്ക് ചെയ്യുന്നതിനുള്ള പിരീഡുകൾ ഒരു ദിവസം 8 ൽ നിന്ന് 12 ആയി ഉയർത്തിയതായി മന്ത്രാലയം ചൂണ്ടിക്കാട്ടി. Eatmarna, Tawakalna ആപ്ലിക്കേഷനുകൾ ഉപയോഗിച്ച് പെർമിറ്റ് നൽകുമ്പോൾ ആവശ്യമുള്ള സമയം തിരഞ്ഞെടുക്കുമ്പോൾ നിറമുള്ള ഐക്കണുകൾ വായിച്ച് അനുയോജ്യമായ സമയം തിരഞ്ഞെടുക്കാനും ജനക്കൂട്ടത്തിന്റെ ശതമാനം അറിയാനും ഇത് ഉപയോക്താക്കളെ അനുവദിക്കുന്നു.
ഗ്രാൻഡ് മോസ്‌കിൽ ഉംറ നിർവഹിക്കുമ്പോൾ മാസ്‌ക് ധരിക്കുന്നത് ഇപ്പോഴും നിർബന്ധമാണെന്ന് മന്ത്രാലയം അറിയിച്ചു.
വിശുദ്ധ റമദാൻ മാസത്തിൽ ഉംറ നിർവഹിക്കാനുള്ള സൗകര്യമൊരുക്കാൻ മന്ത്രാലയവും തീർഥാടകരുടെ സേവനത്തിൽ പ്രവർത്തിക്കുന്ന മറ്റ് സ്ഥാപനങ്ങളും താൽപ്പര്യപ്പെടുന്നുവെന്ന് സൗദി അറേബ്യൻ ഹജ്ജ്, ഉംറ മന്ത്രാലയം വാർത്താക്കുറിപ്പിൽ പറഞ്ഞു.
