ദോഹ: റഷ്യയിലെ ഊർജ വിതരണത്തിന്റെ നഷ്ടം നേരിടാൻ ഉൽപ്പാദനം വർധിപ്പിക്കാൻ രാജ്യങ്ങളോട് ആഹ്വാനം ചെയ്ത് യുക്രൈൻ പ്രസിഡന്റ് ഇന്ന് ദോഹ ഫോറത്തിൽ വിഡിയോ സന്ദേശത്തിൽ പ്രത്യക്ഷപ്പെട്ടു.
“ഈ വിശുദ്ധ റമദാൻ മാസം ഉക്രെയ്നിലെ ജനങ്ങളുടെ ദുരിതത്തിൽ നിഴലിക്കരുതെന്ന് ഉറപ്പാക്കണം,” ദോഹ ഫോറത്തിൽ അദ്ദേഹം പറഞ്ഞു. വരാനിരിക്കുന്ന വിശുദ്ധ റമദാൻ മാസത്തിൽ ഉക്രെയ്നിലെ മുസ്ലീങ്ങൾക്ക് യുദ്ധം ചെയ്യേണ്ടി വരുമെന്നും സെലൻസ്കി ചൂണ്ടിക്കാട്ടി.
തുറമുഖ നഗരമായ മരിയുപോളിനെ റഷ്യ നശിപ്പിച്ചതിനെ സിറിയൻ യുദ്ധത്തിൽ അലപ്പോ നഗരത്തിലുണ്ടായ റഷ്യൻ ആക്രമണത്തോട് അദ്ദേഹം താരതമ്യം ചെയ്തു.
“അവർ ഞങ്ങളുടെ തുറമുഖങ്ങൾ നശിപ്പിക്കുകയാണ്,” സെലെൻസ്കി പറഞ്ഞു, “ഉക്രെയ്നിൽ നിന്നുള്ള കയറ്റുമതിയുടെ അഭാവം ലോകമെമ്പാടുമുള്ള രാജ്യങ്ങൾക്ക് തിരിച്ചടി നൽകും.”
ഉക്രേനിയൻ ഗോതമ്പിന്റെ നഷ്ടം ആ കയറ്റുമതിയെ ആശ്രയിക്കുന്ന ഈജിപ്ത് പോലുള്ള മിഡിൽ ഈസ്റ്റ് രാജ്യങ്ങളെ ഇതിനകം ആശങ്കപ്പെടുത്തിയ സാഹചര്യത്തിലാണ് സെലൻസ്കിയുടെ പ്രസ്താവന.
ആണവായുധങ്ങൾ ഉപയോഗിച്ച് റഷ്യ ലോകത്തെ ഭീഷണിപ്പെടുത്തുന്നതായി സെലൻസ്കി വിമർശിച്ചു.
“ഒരു പ്രത്യേക രാജ്യത്തെ മാത്രമല്ല, മുഴുവൻ ഗ്രഹത്തെയും ആണവായുധങ്ങൾ ഉപയോഗിച്ച് നശിപ്പിക്കാൻ കഴിയുമെന്ന് റഷ്യ ആലോചന നടത്തുകയാണ്,” സെലെൻസ്കി പറഞ്ഞു.
ഫെബ്രുവരി 24 ന് യുദ്ധം ആരംഭിച്ചതിന് ശേഷം ലോകമെമ്പാടുമുള്ള വിവിധ അഭിസംബോധനകളിൽ പ്രത്യക്ഷപ്പെട്ടതിന് തുടർച്ചയായാണ് ഉക്രെയ്ൻ പ്രസിഡന്റ് ദോഹ ഫോറത്തിലും എത്തുന്നത്.
