സെമൈസ്‌മ ഇൻ്റർചേഞ്ചിൽ നിന്ന് അൽ ഖോറിലേക്ക് പോകുന്ന അൽ ഖോർ കോസ്റ്റൽ റോഡിൽ താൽക്കാലിക ഗതാഗതനിയന്ത്രണം ഉണ്ടാകുമെന്ന് പൊതുമരാമത്ത് വകുപ്പ് (അഷ്ഘൽ) അറിയിച്ചു. അൽഖോർ തീരദേശ റോഡ് പദ്ധതിയുടെ ഭാഗമായി, കഹ്‌റാമ പൈപ്പ്‌ലൈനിൽ അറ്റകുറ്റപ്പണികൾ നടക്കുന്നതിനാലാണ് ജനറൽ ഡയറക്ടറേറ്റ് ഓഫ് റോഡ് ട്രാഫിക്കുമായി സഹകരിച്ച് ഗതാഗതനിയന്ത്രണം ഏർപ്പെടുത്തുന്നത്.
വലതു വശത്തെ പാതകൾ അടയ്ക്കുന്നത് 2024 ഓഗസ്റ്റ് 8 വ്യാഴാഴ്ച്ച അർദ്ധരാത്രി മുതൽ പ്രാബല്യത്തിൽ വന്ന് 2024 ഓഗസ്റ്റ് 18 അർദ്ധരാത്രി വരെ തുടരും. റോഡ് ഉപയോക്താക്കൾക്ക് അവരുടെ ലക്ഷ്യസ്ഥാനങ്ങളിൽ എത്തിച്ചേരുന്നതിനായി അടുത്തുള്ള മറ്റുള്ള റോഡുകൾ ഉപയോഗിക്കാം.
