2024/2025 ക്രൂയിസ് സീസണിൻ്റെ ആദ്യ പകുതിയിൽ 191,944 യാത്രക്കാരുമായി 53 ക്രൂയിസ് കപ്പലുകൾ ഖത്തറിൽ എത്തിയതായി ഖത്തർ ടൂറിസം അറിയിച്ചു. ഇവരിൽ 20,951 പേർ ദോഹയിൽ നിന്ന് ക്രൂയിസ് യാത്ര ആരംഭിച്ച ടേൺറൗണ്ട് യാത്രക്കാരാണ്.
ഖത്തർ ടൂറിസം പറയുന്നതനുസരിച്ച്, മിഡ്-സീസൺ ആയപ്പോഴേക്കുമുള്ള ശക്തമായ പ്രകടനം (ജനുവരി 20 വരെ) ഖത്തർ ജിസിസി മേഖലയിലെ ഒരു പ്രധാന ക്രൂയിസ് ടൂറിസം ഹബ്ബായി മാറുന്നുവെന്ന് കാണിക്കുന്നു.
ഇതുവരെ, ഏറ്റവും കൂടുതൽ സന്ദർശകർ വന്നത് ജർമ്മനിയിൽ നിന്നാണ് (30.2%), തുടർന്ന് റഷ്യ (10.8%), ഇറ്റലി (9.2%). ഇതിനു പുറമെ മികച്ച 10 ദേശീയതകൾ ചേർന്ന് മൊത്തം യാത്രക്കാരുടെ 69.2% വരും.
ഈ സീസണിൽ ആദ്യമായി ദോഹ സന്ദർശിക്കുന്ന നാല് ക്രൂയിസ് കപ്പലുകളായ റിസോർട്ട്സ് വേൾഡ് വൺ, എംഎസ്‌സി യൂറിബിയ, സെലസ്റ്റിയൽ ജേർണി, കോസ്റ്റ സ്മെറാൾഡ എന്നിവർ എത്തിയിരുന്നു. മറ്റൊരു ക്രൂയിസ് കപ്പലായ നോർവീജിയൻ സ്കൈ 2025 ഏപ്രിൽ 12-ന് ദോഹ സന്ദർശിക്കുമെന്ന് പ്രതീക്ഷിക്കുന്നു. ലോകത്തിലെ എട്ടാമത്തെ വലിയ ക്രൂയിസ് കപ്പലായ കോസ്റ്റ സ്മെറാൾഡ ദോഹയിലേക്ക് 10 യാത്രകൾ നടത്തി ഏകദേശം 82,000 യാത്രക്കാരെ കൊണ്ടുവരും.
ഖത്തറിൻ്റെ വിനോദസഞ്ചാര വ്യവസായത്തിൻ്റെ ദ്രുതഗതിയിലുള്ള വളർച്ച ഞങ്ങളുടെ ദേശീയ ടൂറിസം സ്ട്രാറ്റജി 2030-ൻ്റെ ഭാഗമാണെന്ന് ഖത്തർ ടൂറിസത്തിലെ ടൂറിസം ഡെവലപ്‌മെൻ്റ് സെക്ടർ ചീഫ് ഒമർ അൽ ജാബർ പറഞ്ഞു. 2025 ഏപ്രിലിൽ സീസണിൻ്റെ അവസാനത്തോടെ 30-ലധികം ക്രൂയിസ് കപ്പലുകൾ കൂടി ഞങ്ങൾ പ്രതീക്ഷിക്കുന്നുവെന്നും അദ്ദേഹം വ്യക്തമാക്കി.
ക്രൂയിസ് വ്യവസായം ഖത്തറിൻ്റെ വിനോദസഞ്ചാര തന്ത്രത്തിൻ്റെ ഒരു പ്രധാന ഭാഗമായി മാറിയിരിക്കുന്നു, സമീപ വർഷങ്ങളിൽ അത് ഗണ്യമായി വളർന്നു. ദോഹ തുറമുഖത്തിൻ്റെ കേന്ദ്ര സ്ഥാനം സന്ദർശകർക്ക് ചെറിയ സമയത്തിനുള്ളിൽ തന്നെ നഗരം പര്യവേക്ഷണം ചെയ്യുന്നത് എളുപ്പമാക്കുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
