ഫിഫ ലോകകപ്പുമായി ബന്ധപ്പെട്ട് ഒരുമാസം നീണ്ട അവധി കഴിഞ്ഞ് ഖത്തറിലെ സ്കൂളുകൾ ഇന്ന് തുറക്കും. രാജ്യത്ത് പ്രവർത്തിക്കുന്ന 500-ലധികം പൊതു-സ്വകാര്യ സ്‌കൂളുകളിലായി 350,000-ത്തിലധികം വിദ്യാർത്ഥികൾ 2022-2023 വർഷത്തെ സെക്കന്റ് സെമസ്റ്റർ ആരംഭിക്കും.
സർക്കാർ പ്രൈമറി സ്കൂളുകളുടെ സ്കൂൾ സമയം രാവിലെ 7 മുതൽ ഉച്ചയ്ക്ക് 12:45 വരെയാണ് – വ്യാഴാഴ്ച ഇത് 12:30 വരെ ആയിരിക്കും.
പ്രിപ്പറേറ്ററി, സെക്കൻഡറി സർക്കാർ സ്കൂളുകളുടെ സമയം (7 മുതൽ 12 വരെ) വ്യാഴാഴ്ചകളിൽ രാവിലെ 7 മുതൽ ഉച്ചയ്ക്ക് 1:25 വരെയും 7 മുതൽ 12:30 വരെയും ആയിരിക്കും.
അതേസമയം, മിക്ക ഇന്ത്യൻ സ്‌കൂളുകളും ക്രിസ്മസ് അവധി കൂടി കഴിഞ്ഞു ജനുവരി ആദ്യത്തിലാവും തുറക്കുക.
ഏത് അന്വേഷണത്തിനും നിർദ്ദേശത്തിനും സഹായത്തിനും, രക്ഷിതാക്കൾക്ക് മന്ത്രാലയവുമായി ബന്ധപ്പെടാം — ഹോട്ട്‌ലൈൻ നമ്പർ. 155, ടെലിഫോൺ നമ്പർ. 44044444, ഇമെയിൽ infor@edu.gov.qa അല്ലെങ്കിൽ WhatsApp: 60020020.
വിദ്യാഭ്യാസ-ഉന്നത വിദ്യാഭ്യാസ മന്ത്രാലയത്തിന്റെ നിർദ്ദേശങ്ങൾ പാലിച്ച് ആരോഗ്യകരമായ അന്തരീക്ഷത്തിൽ വിദ്യാർത്ഥികളെ സ്വീകരിക്കുന്നതിനും വിദ്യാർത്ഥികളുടെ പ്രകടനം മെച്ചപ്പെടുത്തുന്നതിന് ആവശ്യമായ എല്ലാ സൗകര്യങ്ങളും ഒരുക്കുന്നതിനും സ്കൂളുകൾ ആവശ്യമായ തയ്യാറെടുപ്പുകൾ നടത്തിയിട്ടുണ്ട്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/C5SlZkH4ATOIBY0CThW5zB
