ഖത്തർ റെയിൽവേസ് കമ്പനി (ഖത്തർ റെയിൽ), ഖത്തറിൽ സ്‌കൂൾ സപ്ലൈസ് നൽകുന്നവരുമായി സഹകരിച്ച് 2025 ഓഗസ്റ്റ് 19 മുതൽ സെപ്റ്റംബർ 2 വരെ ദോഹ മെട്രോയിലെ സ്പോർട് സിറ്റി സ്റ്റേഷനിൽ “ബാക്ക് ടു സ്‌കൂൾ” ഇവന്റിന്റെ രണ്ടാം എഡിഷൻ സംഘടിപ്പിക്കുന്നു. മെട്രോ സ്റ്റേഷനുകളിലേക്ക് വർഷം മുഴുവനുമുള്ള വിവിധ പ്രവർത്തനങ്ങൾ കൊണ്ടുവരുന്ന “മെട്രോ ഇവന്റ്സ്” പരമ്പരയുടെ ഭാഗമാണിത്.
മെട്രോ സ്റ്റേഷനുകളെ കമ്മ്യൂണിറ്റി ഇടങ്ങളാക്കി മാറ്റുക, പൊതു ഇടപെടൽ ശക്തിപ്പെടുത്തുക, സർക്കാർ, സ്വകാര്യ മേഖലകളുമായി ദീർഘകാല പങ്കാളിത്തം കെട്ടിപ്പടുക്കുക എന്നിങ്ങനെയുള്ള ഖത്തർ റെയിലിന്റെ തന്ത്രങ്ങളെ ഈ സംരംഭം പ്രതിഫലിപ്പിക്കുന്നു.
ഗോൾഡ് ലൈനിലെ സ്പോർട് സിറ്റി സ്റ്റേഷനിൽ, പുതിയ അധ്യയന വർഷം അടുക്കുമ്പോൾ സന്ദർശകർക്ക് പുസ്‌തകശാലകളിൽ നിന്നും സ്‌കൂൾ സപ്ലൈ റീട്ടെയിലർമാരിൽ നിന്നും എക്സ്ക്ലൂസീവ് ഓഫറുകൾ ലഭിക്കും. പ്രവൃത്തിദിവസങ്ങളിൽ വൈകുന്നേരം 4:00 മുതൽ രാത്രി 8:00 വരെയും വാരാന്ത്യങ്ങളിൽ വൈകുന്നേരം 4:00 മുതൽ രാത്രി 9:00 വരെയും നടക്കുന്ന കുട്ടികൾക്കും കുടുംബങ്ങൾക്കുമായി സൗജന്യമായ പ്രവർത്തനങ്ങളും പരിപാടിയിൽ ഉണ്ടായിരിക്കും. ഗെയിമിംഗ് സോൺ, കലാ പ്രവർത്തനങ്ങൾ, സമ്മാനങ്ങളോടുകൂടിയ മത്സരങ്ങൾ എന്നിവ ഇതിൽ ഉൾപ്പെടുന്നു.
പരിപാടിയുടെ ഭാഗമായി, ഖത്തർ റെയിൽ 365 ദിവസത്തെ പുതിയ മെട്രോപാസ് പുറത്തിറക്കും, 990 ഖത്തർ റിയാൽ വില വരുന്ന വാർഷിക പാസാണിത്. ഇത് ദോഹ മെട്രോ, ലുസൈൽ ട്രാം നെറ്റ്‌വർക്കുകളിലുടനീളം അൺലിമിറ്റഡ് യാത്ര വാഗ്ദാനം ചെയ്യുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t
