2100 ലിറിക്ക ഗുളികകൾ രാജ്യത്തേക്ക് കടത്താനുള്ള ശ്രമം ഹമദ് രാജ്യാന്തര വിമാനത്താവളത്തിൽ ഖത്തർ ജനറൽ അതോറിറ്റി ഓഫ് കസ്റ്റംസ് തടഞ്ഞു.
കസ്റ്റംസ് ഏജൻ്റുമാർക്ക് ഒരു യാത്രക്കാരനെ സംശയം തോന്നി എക്‌സ്-റേ എടുക്കാൻ ആവശ്യപ്പെട്ടു. എക്‌സ്‌റേയ്‌ക്ക് ശേഷം, തിരച്ചിൽ നടത്തിയപ്പോൾ, ദേഹത്ത് കെട്ടിയ തുണി സഞ്ചിയിൽ ഒളിപ്പിച്ച നിലയിൽ ഗുളികകൾ കണ്ടെത്തി.
അനധികൃത വസ്‌തുക്കൾ ഖത്തറിലേക്ക് കൊണ്ടുവരരുതെന്ന് കസ്റ്റംസ് അതോറിറ്റി പലപ്പോഴും മുന്നറിയിപ്പ് നൽകാറുണ്ട്. ഇൻസ്‌പെക്ടർമാർക്ക് പുതിയ സാങ്കേതികവിദ്യയിലും യാത്രക്കാരുടെ പെരുമാറ്റം മനസിലാക്കുന്നതിനും കള്ളക്കടത്തിനുള്ള പുതിയ സാങ്കേതികവിദ്യകൾ കണ്ടെത്തുന്നതിനുമുള്ള തുടർച്ചയായ പരിശീലനം ലഭിക്കുന്നുണ്ട്.
