ഇന്നലെ കൊളംബോയിൽ നടന്ന വാർഷിക പൊതുയോഗത്തിൽ ഏഷ്യൻ ക്രിക്കറ്റ് കൗൺസിലിന്റെ (എസിസി) അസോസിയേറ്റ് അംഗത്തിൽ നിന്ന് ഖത്തർ ക്രിക്കറ്റ് അസോസിയേഷനെ ഫുൾ മെമ്പറായി (നോൺ-ടെസ്റ്റ് പ്ലേയിംഗ്) ഉയർത്തി.
എസിസി പ്രസിഡന്റ് ജയ് ഷാ യോഗത്തിൽ അധ്യക്ഷനായി. യോഗത്തിൽ 2022ലെ ഏഷ്യാ കപ്പിന്റെ തീയതി പ്രഖ്യാപിച്ചു.
നീണ്ട നാല് വർഷങ്ങൾക്ക് ശേഷം എസിസിയുടെ ഏറെ പ്രതീക്ഷയോടെ കാത്തിരിക്കുന്ന മാർക്വീ ടൂർണമെന്റിന്റെ ഈ പതിപ്പ് ആഗസ്ത് 27 മുതൽ സെപ്റ്റംബർ 11 വരെ ശ്രീലങ്കയിൽ നടക്കും. ഓഗസ്റ്റ് 20 മുതൽ യോഗ്യത മത്സരങ്ങൾ നടക്കും.
എസിസി പ്രസിഡന്റിന്റെയും എക്‌സിക്യൂട്ടീവ് ബോർഡിന്റെയും കമ്മിറ്റികൾ 2024 എജിഎം വരെ തുടരുമെന്നും എസിസി അംഗങ്ങൾ തീരുമാനിച്ചു.
ഒമാൻ ക്രിക്കറ്റ് അസോസിയേഷൻ പ്രസിഡന്റ് പങ്കജ് ഖിംജിയെ എസിസി വൈസ് പ്രസിഡന്റായും യോഗം നിശ്ചയിച്ചു. മലേഷ്യൻ ക്രിക്കറ്റ് അസോസിയേഷന്റെ മഹിന്ദ വള്ളിപുരത്ത് നിന്നാണ് ഖിംജി പദവി ഏറ്റെടുക്കുന്നത്.
