ഏറ്റവുമധികം പേർ സംഭാവന ചെയ്‌ത AI ജനറേറ്റഡ് ഇമേജ്, ഗിന്നസ് ലോകറെക്കോർഡുമായി ‘ഖത്തർ ആർട്ട്ബീറ്റ്’
ഖത്തറിലുടനീളമുള്ള നിരവധി പേരുടെ സഹായത്തോടെ സൃഷ്‌ടിക്കപ്പെട്ട കലാസൃഷ്‌ടിയായ ‘ഖത്തർ ആർട്ട്ബീറ്റ്’, ‘ഏറ്റവും കൂടുതൽ ആളുകൾ ഒരു AI- ജനറേറ്റഡ് ഇമേജിലേക്ക് സംഭാവന ചെയ്‌തു’ എന്നതിൽ ഔദ്യോഗികമായി പുതിയ ഗിന്നസ് വേൾഡ് റെക്കോർഡ് സ്ഥാപിച്ചു , ഗൂഗിൾ ക്ലൗഡുമായി സഹകരിച്ച് മീഡിയ സിറ്റി ഖത്തർ സൃഷ്‌ടിച്ച ഈ കലാസൃഷ്ടി 5.4 ദശലക്ഷത്തിലധികം ആളുകളിൽ എത്തുകയും രാജ്യവ്യാപകമായി 68,000 ഇന്റെറാക്ഷൻസ് ലഭിക്കുകയും ചെയ്‌തു.
മീഡിയ സിറ്റി ഖത്തറിൻ്റെയും അവരുടെ പാർട്നെഴ്‌സിന്റെയും സോഷ്യൽ മീഡിയ പേജുകളിൽ പോസ്റ്റ് ചെയ്‌ത ചോദ്യങ്ങളിലൂടെ 15,000-ത്തിലധികം ആളുകൾ അവരുടെ ചിന്തകൾ പങ്കിട്ടു. ഗൂഗിൾ ക്ലൗഡിൻ്റെ വെർട്ടെക്‌സ് എഐ, ജെമിനി മോഡലുകൾ, ബിഗ്‌ക്വറി ഡാറ്റ പ്ലാറ്റ്‌ഫോം എന്നിവ പോലുള്ള വിപുലമായ ടൂളുകൾ ഉപയോഗിച്ചാണ് ഈ കലാസൃഷ്ടി പൂർത്തിയാക്കിയത്. ഒരു ഔദ്യോഗിക ഗിന്നസ് വേൾഡ് റെക്കോർഡ് പ്രതിനിധി, റെക്കോർഡിനായുള്ള എല്ലാ നിയമങ്ങളും ആവശ്യകതകളും ഇത് പാലിച്ചതായി സ്ഥിരീകരിച്ചു.
“ഗൂഗിൾ ക്ലൗഡുമായും ഖത്തറിൻ്റെ സോഷ്യൽ മീഡിയ കമ്മ്യൂണിറ്റിയുമായും ഉള്ള ഞങ്ങളുടെ പങ്കാളിത്തത്തിലൂടെ സാധ്യമായ ഈ നേട്ടം, സർഗ്ഗാത്മകതയും സഹകരണവും AI-ക്ക് എങ്ങനെ ഉപയോഗിക്കാൻ കഴിയുമെന്ന് എടുത്തു കാണിക്കുന്നു,” ഖത്തർ മീഡിയ സിറ്റി സിഇഒ ജാസിം മുഹമ്മദ് അൽ ഖോരി പറഞ്ഞു.
ഡിസംബർ 9 മുതൽ 17 വരെ, “ഖത്തർ നിങ്ങൾക്ക് എന്താണ് അർത്ഥമാക്കുന്നത്?” തുടങ്ങിയ ചോദ്യങ്ങൾക്ക് ഉത്തരം നൽകി അവരുടെ ചിന്തകൾ പങ്കിടാൻ ‘ഖത്തർ ആർട്ട് ബീറ്റ്’ സോഷ്യൽ മീഡിയ വഴി ആളുകളെ ക്ഷണിച്ചു. പൂർത്തിയാക്കിയ കലാസൃഷ്ടി ഖത്തറിലെ ഏറ്റവും പ്രശസ്തമായ ലാൻഡ്‌മാർക്കുകളിൽ പ്രദർശിപ്പിക്കുകയും മീഡിയ സിറ്റി ഖത്തറിൻ്റെ ഡിജിറ്റൽ ചാനലുകൾ വഴി ലോകമെമ്പാടും പങ്കിടുകയും ചെയ്യും.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/G86AqcQXEij7Ed3MEgfRmp
