കപ്പലുകളിൽ നിന്ന് ഇറങ്ങാതെ തന്നെ ഖത്തറിലേക്കുള്ള പ്രവേശന നടപടിക്രമങ്ങൾ പൂർത്തിയാക്കാൻ അനുവദിക്കുന്ന ഡിജിറ്റൽ പ്ലാറ്റ്ഫോമുമായി ഓൾഡ് ദോഹ പോർട്ട്
ഓൾഡ് ദോഹ പോർട്ട് മിനാകോം എന്ന പുതിയ ഡിജിറ്റൽ പ്ലാറ്റ്‌ഫോം അവതരിപ്പിച്ചു. യാച്ചുകളിലും ബോട്ടുകളിലും ഖത്തറിലെത്തുന്ന വിനോദസഞ്ചാരികൾക്ക് കപ്പലുകളിൽ നിന്ന് ഇറങ്ങാതെ തന്നെ രാജ്യത്തേക്കുള്ള പ്രവേശന നടപടിക്രമങ്ങൾ പൂർത്തിയാക്കാൻ ഇത് അനുവദിക്കുന്നു.
മിനാകോമിൽ, സന്ദർശകർക്ക് പാസ്‌പോർട്ട് കണ്ട്രോൾ, കസ്റ്റംസ് നടപടിക്രമങ്ങൾ എന്നിവയെല്ലാം ഓൺലൈനായി ചെയ്യാൻ കഴിയും. ഈ സംവിധാനം സർക്കാർ സംബന്ധമായ എല്ലാ പ്രക്രിയയും പൂർത്തിയാക്കാൻ സഹായിക്കുന്ന ഒരു സർട്ടിഫൈഡ് ലോജിസ്റ്റിക്‌സ് ഏജന്റുമായി അവരെ ബന്ധിപ്പിക്കുന്നു.
ഓൾഡ് ദോഹ പോർട്ടിന്റെ ഔദ്യോഗിക വെബ്‌സൈറ്റ് വഴി പ്ലാറ്റ്‌ഫോമിലേക്ക് പ്രവേശിക്കാം. ഖത്തറിൽ ഇത്തരത്തിലുള്ള ആദ്യ സേവനമാണിത്. ഡിജിറ്റൽ പരിവർത്തനത്തിലേക്കും മികച്ച ടൂറിസം സേവനങ്ങൾ നൽകാനുമുള്ള രാജ്യത്തിന്റെ നീക്കത്തെ ഇത് പിന്തുണയ്ക്കുന്നു.
സോഫ്റ്റ് ലോഞ്ച് മുതൽ, 250 സ്വകാര്യ ബോട്ടുകൾ ഇതിനകം മിനാകോം ഉപയോഗിക്കുന്നുണ്ട്. സ്വകാര്യ യാച്ചുകൾക്കും നോൺ-ക്രൂയിസ് കപ്പലുകൾക്കും മാത്രമുള്ളതാണ് മിനാകോം. 2024/2025 ക്രൂയിസ് സീസണിൽ, 87 വലിയ ക്രൂയിസ് കപ്പലുകളെയും ഏകദേശം 400,000 യാത്രക്കാരെയും പോർട്ട് സ്വാഗതം ചെയ്‌തു. മുൻ സീസണിനേക്കാൾ 5% സന്ദർശകരുടെ വർധനവും 19% കൂടുതൽ കപ്പൽ വരവും ഇത്തവണ രേഖപ്പെടുത്തി.
മിനാകോം ഉപയോഗിക്കുന്ന യാട്ട് സന്ദർശകർക്ക് ഓൾഡ് ദോഹ പോർട്ട് മറീനയിലെ നിരവധി സേവനങ്ങളിലേക്ക് പ്രവേശനം ലഭിക്കും. വൈദ്യുതി കണക്ഷനുകൾ, ജലവിതരണം, മാലിന്യ സേവനങ്ങൾ, ഡോക്കിംഗിനു സഹായിക്കാൻ മുഴുവൻ സമയവും ലഭ്യമായ ജീവനക്കാർ എന്നിവ ഇതിൽ ഉൾപ്പെടുന്നു.
പെട്രോൾ, ഡീസൽ എന്നിവയ്ക്കായി രണ്ട് ഫ്ലോട്ടിംഗ് ഫ്യുവൽ സ്റ്റേഷനുകൾ, പലചരക്ക് സാധനങ്ങൾക്കായി ഒരു ഫ്ലോട്ടിംഗ് സൂപ്പർമാർക്കറ്റ്, 100 ടൺ ക്രെയിൻ, അറ്റകുറ്റപ്പണികൾക്കും സ്പെയർ പാർട്‌സുകൾക്കുമായി വർക്ക്‌ഷോപ്പുകൾ എന്നിവയുള്ള ഒരു യാർഡും തുറമുഖത്തിലുണ്ട്.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2
