വിശുദ്ധ റമദാൻ മാസത്തിൽ ഭക്ഷ്യോത്പന്നങ്ങളുടെ അന്യായമായ വിലക്കയറ്റം തടയാൻ വാണിജ്യ-വ്യവസായ മന്ത്രാലയം (MoCI) നിരവധി നിയന്ത്രണങ്ങൾ ആവിഷകരിച്ചതായി MoCI യിലെ ക്വാളിറ്റി ലൈസൻസിംഗ് ആൻഡ് മാർക്കറ്റ് കൺട്രോൾ ഡിപ്പാർട്ട്‌മെന്റ് ഡയറക്ടർ ഡോ. മുഹമ്മദ് അഹമ്മദ് അൽ ബോഹാഷെം അൽ സെയ്ദ് പറഞ്ഞു.
റമദാൻ പോലെയുള്ള അവസരങ്ങളിൽ, ഭക്ഷ്യോത്പന്നങ്ങളുടെ ഡിമാൻഡ് വർധിക്കുന്നത് ചില ഉപഭോഗവസ്തുക്കളുടെ അന്യായമായ വിലക്കയറ്റത്തിന് കാരണമായെക്കുമെന്നു കണ്ടാണ് നടപടി.
ഉപഭോക്തൃ സംരക്ഷണ നിയമത്തിലെ വ്യവസ്ഥകൾ പാലിക്കുന്നുണ്ടെന്ന് ഉറപ്പുവരുത്തുന്നതിനായി രാജ്യത്തുടനീളമുള്ള ഭക്ഷണശാലകളിൽ പരിശോധന കാമ്പെയ്‌നുകൾ നടത്തുന്നതിന് MoCI ഇൻസ്പെക്ടർമാരുടെ ഒരു സമർപ്പിത ടീമിനെ വിന്യസിച്ചതായി അദ്ദേഹം പറഞ്ഞു.
വാണിജ്യ ഔട്ട്‌ലെറ്റുകളിൽ നിന്ന് എന്തെങ്കിലും ലംഘനങ്ങൾ ശ്രദ്ധയിൽപ്പെട്ടാൽ വാണിജ്യ, വ്യവസായ മന്ത്രാലയത്തെ അതിന്റെ ആശയവിനിമയ മാർഗങ്ങളിലൂടെ അറിയിക്കാൻ അൽ സയ്യിദ് ഉപഭോക്താക്കളോട് അഭ്യർത്ഥിച്ചു. എല്ലാത്തരം ഭക്ഷ്യവസ്തുക്കളും സേവനങ്ങളും ന്യായമായ വിലയിൽ ഉപഭോക്താക്കൾക്ക് ലഭ്യമാക്കാൻ മന്ത്രാലയത്തിന് താൽപ്പര്യമുണ്ടെന്ന് അദ്ദേഹം പറഞ്ഞു.
അടുത്തിടെ ഖത്തർ ടിവിയോട് സംസാരിച്ച അദ്ദേഹം, വിലസ്ഥിരത ഉറപ്പാക്കാൻ, പ്രാദേശിക ഉൽപ്പാദനം പ്രോത്സാഹിപ്പിക്കുന്നതിനും ആട്ടിൻ ഇറച്ചി വിലയിൽ സബ്‌സിഡി നൽകുന്നത് ഉൾപ്പെടെയുള്ള പദ്ധതികൾ ചൂണ്ടിക്കാട്ടി. മാർച്ച് 18 ന് ആരംഭിച്ച ഈ സംരംഭത്തിന് കീഴിൽ ഇതുവരെ 4,800 ആടുകളെ വിറ്റഴിച്ചതായി ഖത്തർ റേഡിയോയോട് സംസാരിക്കവെ അൽ സയ്യിദ് പറഞ്ഞു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KNjF4YIFR12BVGJHu9svlJ
