ഖത്തറിലെ മെഴ്‌സിഡസ് ഡീലർഷിപ്പായ നാസർ ബിൻ ഖാലിദ് ആൻഡ് സൺസ് ഓട്ടോമൊബൈൽസുമായി സഹകരിച്ച് മെഴ്‌സിഡസ് ബെൻസ് സി-ക്ലാസ്, 2022 മോഡൽ വാണിജ്യ വ്യവസായ മന്ത്രാലയം തിരികെ വിളിക്കുന്നതായി പ്രഖ്യാപിച്ചു.
പാസഞ്ചർ ഫുട്‌വെല്ലിലെ പ്രീ-ഫ്യൂസ് ബോക്‌സിൻ്റെ ഇലക്ട്രിക് ലൈൻ സ്ക്രൂ കണക്ഷൻ, ഈ കണക്ഷനിൽ ട്രാൻസിഷണൽ റെസിസ്റ്റൻസ് വർധിപ്പിക്കുന്നതിന് കാരണമാകുന്ന വിധം അപര്യാപ്തമായ ടോർക്ക് ഉപയോഗിച്ച് ടൈറ്റ് ചെയ്തിരിക്കാവുന്നതും ഇത് തീപിടുത്തത്തിനുള്ള സാധ്യത വർദ്ധിപ്പിക്കുന്നതും കണക്കിലെടുത്താണ് തിരികെ വിളിക്കൽ.
ഉപഭോക്താക്കളെ സംരക്ഷിക്കുന്നതിനും വാഹനങ്ങളുടെ തകരാറുകളും അറ്റകുറ്റപ്പണികളും കാർ ഡീലർമാർ പിന്തുടരുന്നുണ്ടെന്ന് ഉറപ്പാക്കാനുമുള്ള തങ്ങളുടെ നിരന്തരമായ ശ്രമങ്ങളുടെ ഭാഗമായാണ് തിരിച്ചുവിളിക്കുന്ന കാമ്പെയ്‌നെന്ന് മന്ത്രാലയം അറിയിച്ചു.
തുടർനടപടികൾക്കായി ഡീലറുമായി ഏകോപിപ്പിക്കുമെന്നും ആവശ്യമായ അറ്റകുറ്റപ്പണികൾ നടക്കുന്നുണ്ടെന്ന് ഉറപ്പാക്കാൻ ഉപഭോക്താക്കളുമായി ആശയവിനിമയം നടത്തുമെന്നും മന്ത്രാലയം അറിയിച്ചു.
എന്തെങ്കിലും ലംഘനങ്ങൾ ഉണ്ടായാൽ തങ്ങളുടെ കൺസ്യൂമർ പ്രൊട്ടക്ഷൻ ആൻഡ് ആൻ്റി-കൊമേഴ്‌സ്യൽ ഫ്രോഡ് ഡിപ്പാർട്ട്‌മെൻ്റിനെ അറിയിക്കണമെന്ന് മന്ത്രാലയം എല്ലാ ഉപഭോക്താക്കളോടും അഭ്യർത്ഥിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
