നിയമവിരുദ്ധമായി ലാൻഡ്‌ഫിൽ മെറ്റീരിയലുകൾ നീക്കം ചെയ്‌തവരെ കണ്ടെത്തി; നടപടികൾ സ്വീകരിച്ച് മന്ത്രാലയം
പരിസ്ഥിതി, കാലാവസ്ഥാ വ്യതിയാന മന്ത്രാലയം, വന്യജീവി വികസന വകുപ്പ് വഴി, അനുമതിയില്ലാതെ ലാൻഡ്‌ഫിൽ മെറ്റിരിയലുകൾ (നിർമാണമേഖലയിലെ മാലിന്യങ്ങൾ) കൊണ്ടുവന്ന നിരവധി കേസുകൾ കണ്ടെത്തിയിട്ടുണ്ട്. രാജ്യവ്യാപകമായി നടത്തിയ പരിശോധനാ കാമ്പെയ്‌നിനിടെയാണ് ഈ ലംഘനങ്ങൾ കണ്ടെത്തിയത്. ഖത്തറിലെ പ്രകൃതിവിഭവങ്ങളുടെ നിയമവിരുദ്ധ ഉപയോഗം തടയുക എന്നതായിരുന്നു കാമ്പെയ്‌നിന്റെ ലക്ഷ്യം.
വ്യക്തികളും സ്വകാര്യ കമ്പനികളും ഇതിൽ ഉൾപ്പെട്ടിട്ടുണ്ട്. ആവശ്യമായ പാരിസ്ഥിതിക അനുമതിയില്ലാത്ത സ്ഥലങ്ങളിൽ നിന്നാണ് അവർ ലാൻഡ്‌ഫിൽ മെറ്റിരിയലുകൾ കൊണ്ടുവന്നത്.
മന്ത്രാലയത്തിന്റെ പരിശോധനാ സംഘങ്ങൾ ഈ കേസുകളെല്ലാം ശരിയായ അധികാരികൾക്ക് റിപ്പോർട്ട് ചെയ്തിട്ടുണ്ട്. ഖത്തറിന്റെ പരിസ്ഥിതി നിയമങ്ങൾ പ്രകാരം നിയമനടപടി സ്വീകരിക്കും. രാജ്യത്തിന്റെ പ്രകൃതിവിഭവങ്ങൾ സംരക്ഷിക്കുന്നതിനും അവ സുസ്ഥിരമായ രീതിയിൽ ഉപയോഗിക്കുന്നുണ്ടെന്ന് ഉറപ്പാക്കുന്നതിനുമാണ് ഈ നിയമങ്ങൾ.
പരിസ്ഥിതി നിയന്ത്രണം മെച്ചപ്പെടുത്തുന്നതിനും, നിയമം പാലിക്കാൻ ആളുകളെ പ്രോത്സാഹിപ്പിക്കുന്നതിനും, രാജ്യത്തിന്റെ പ്രകൃതി പരിസ്ഥിതി സംരക്ഷിക്കുന്നതിനുമുള്ള നിരവധി ശ്രമങ്ങളിൽ ഒന്നാണിതെന്ന് മന്ത്രാലയം പറഞ്ഞു.
പൊതു, സ്വകാര്യ മേഖലകൾ പരിസ്ഥിതി നിയമങ്ങളെ മാനിക്കണമെന്ന് ഉദ്യോഗസ്ഥർ ആവശ്യപ്പെടുന്നു. പ്രകൃതിവിഭവങ്ങൾ ഉത്തരവാദിത്തത്തോടെ ഉപയോഗിക്കുന്നതിൽ എല്ലാവരും സഹായിക്കണമെന്നും ഖത്തറിലെ പരിസ്ഥിതി സംരക്ഷിക്കാനുള്ള ശ്രമങ്ങളെ പിന്തുണയ്ക്കണമെന്നും അവർ ആഗ്രഹിക്കുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2
