2024–2025 വിന്റർ ക്യാമ്പിംഗ് സീസൺ അവസാനിപ്പിക്കുന്നതിനുള്ള സമയപരിധി ഉടമ പാലിക്കാതിരുന്നതിനാലും നിയമലംഘനങ്ങൾ നടത്തിയതിനാലും പരിസ്ഥിതി, കാലാവസ്ഥാ വ്യതിയാന മന്ത്രാലയം (MECC) മധ്യ മേഖലയിൽ നിന്ന് ഒരു ക്യാമ്പ് നീക്കം ചെയ്‌തു. ഉത്തരവാദിയായ വ്യക്തിക്കെതിരെ നിയമ നടപടികൾ സ്വീകരിച്ചിട്ടുണ്ട്.
വന്യജീവി വകുപ്പിന്റെ ഒരു പരിശോധനാ കാമ്പെയ്‌നിനിടെയാണ് ക്യാമ്പ് നീക്കം ചെയ്‌തത്‌. മധ്യ മേഖലയിലെ റൗദത്ത് റാഷിദ്, റൗദത്ത് ആയിഷ തുടങ്ങിയ പ്രധാന മേഖലകളിലാണ് പരിശോധനകൾ നടത്തിയത്.
പ്രകൃതിയെ സംരക്ഷിക്കുന്നതിനും പ്രകൃതിദത്ത പ്രദേശങ്ങൾ ഉത്തരവാദിത്തത്തോടെ ഉപയോഗിക്കുന്നതിനും രാജ്യത്തെ പരിസ്ഥിതി നിയമങ്ങൾ പാലിക്കാൻ മന്ത്രാലയം എല്ലാവരോടും അഭ്യർത്ഥിച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JJuKuHKpVnF2oI3YhApCdt?mode=r_t
