മാച്ച് ഫോർ ഹോപ്പ് ചാരിറ്റി ഫുട്ബോൾ ഗെയിമിൻ്റെ രണ്ടാം എഡിഷനിൽ ടീം ചങ്ക്സ് x ഐഷോസ്പീഡിനെതിരെ ടീം കെഎസ്ഐ x അബോഫ്ലാ 6-5 എന്ന സ്കോറിന് വിജയിച്ചു. വെള്ളിയാഴ്‌ച ദോഹയിലെ സ്റ്റേഡിയം 974-ൽ നടന്ന മത്സരം വിദ്യാഭ്യാസത്തിന് പിന്തുണ നൽകുന്നതിനായി കുറഞ്ഞത് 39,174,385 ഖത്തർ റിയാൽ (10.7 ദശലക്ഷം ഡോളർ) സമാഹരിച്ചു. ഖത്തറിൻ്റെ ഇൻ്റർനാഷണൽ മീഡിയ ഓഫീസിൻ്റെ ഭാഗമായ ക്യു ലൈഫാണ് ഇവൻ്റ് സംഘടിപ്പിച്ചത്, എല്ലാ വരുമാനവും വിദ്യാഭ്യാസത്തിലൂടെ ജീവിതത്തെ മാറ്റിമറിക്കാൻ സഹായിക്കുന്ന എഡ്യൂക്കേഷൻ എബവ് ഓൾ ഫൗണ്ടേഷനിലേക്ക് (ഇഎഎ) വിനിയോഗിക്കും.
ഈ വർഷത്തെ ഗെയിമിൽ തിയറി ഹെൻറി, ആൻഡ്രിയ പിർലോ, അലസ്സാൻഡ്രോ ഡെൽ പിയറോ, ആന്ദ്രെ ഇനിയേസ്റ്റ, ഡേവിഡ് സിൽവ തുടങ്ങിയ ഇതിഹാസ ഫുട്ബോൾ താരങ്ങളും കെഎസ്ഐ, ഐഷോസ്പീഡ്, ചങ്ക്സ്, അബോഫ്ലാ, ഷാർക്കി, മിനിമിൻ്റർ എന്നിവരും മറ്റു പലരും ഉൾപ്പെട്ടിരുന്നു. ടീമുകളെ നിയന്ത്രിച്ചത് മൗറീഷ്യോ പോച്ചെറ്റിനോയും (യുഎസ് കോച്ച്) ആഴ്‌സൻ വെംഗറും (ഇതിഹാസ ആഴ്‌സണൽ കോച്ച്) ആണ്.
മത്സരത്തിന് മുമ്പ് സിറിയൻ ഗായിക റാഷ റിസ്‌ക് അവതരിപ്പിച്ച പരിപാടിക്കു പുറമെ ഹാഫ് ടൈമിൽ അമേരിക്കൻ റാപ്പർ മക്ക്‌ലെമോറും കാണികളെ രസിപ്പിച്ചു. 2024-ൽ നടന്ന മാച്ച് ഫോർ ഹോപ്പ് 8.8 മില്യൺ ഡോളർ സമാഹരിച്ചിരുന്നു, ഇത് 70,000-ത്തിലധികം കുട്ടികൾക്ക് വിദ്യാഭ്യാസം നേടുന്നതിന് സഹായിച്ചു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
