ഫിരീജ് അബ്ദുൾ അസീസിൽ സ്ഥിതി ചെയ്യുന്ന ഇന്ത്യൻ കോഫി ഹൗസ് റെസ്റ്റോറന്റ് ഇന്ന് വീണ്ടും തുറക്കുന്നു. ദോഹയിലെ വികസന പ്രവർത്തനങ്ങളുടെ ഭാഗമായി റോഡുകൾ അടച്ചതിനെ തുടർന്ന് എട്ട് മാസത്തിലേറെയായി അടച്ചിട്ടിരിക്കുകയായിരുന്ന റസ്റ്റോറന്റ് ആണ് ഇന്ന് വീണ്ടും പ്രവർത്തനമാരംഭിക്കുന്നത്. രാത്രി 8 മണിക്കാണ് ഔദ്യോഗിക ഉദ്ഘാടനം.
2014 നവംബർ 1-ന് ആരംഭിച്ച ഇന്ത്യൻ കോഫി ഹൗസ് റെസ്റ്റോറന്റ്, കോഫീ ഹൗസിന്റെ എല്ലാ തനത് ആകർഷണങ്ങൾക്കൊപ്പം ഇന്ത്യക്കാരുടെ ജനപ്രിയ റസ്റ്ററന്റ് ആയി മാറിയതാണ്.
പ്രശസ്ത സെലിബ്രിറ്റി അവതാരകനും നടനുമായ മിഥുൻ രമേശാണ് ചടങ്ങുകൾക്ക് അവതാരകനാവുക. നടി മഞ്ജു വാര്യരാണ് ചടങ്ങിലെ മുഖ്യാതിഥി.
അതേസമയം, ഉച്ചയ്ക്ക് 1 മണി മുതൽ 3 വരെ, മാൾ റൗണ്ട് എബൗട്ടിന് സമീപമുള്ള റീജൻസി ഹാളിൽ സംഘടിപ്പിച്ചിരിക്കുന്ന പ്രത്യേക വേദിയിൽ അതിഥികൾക്ക് ഇവർക്കൊപ്പം ഓണം ആഘോഷിക്കാനുള്ള അവസരവും ലഭിക്കും. ദോഹയിലെ പ്രശസ്തരായ കലാകാരന്മാർ അവതരിപ്പിക്കുന്ന കലാ സാംസ്കാരിക പരിപാടികളോടെ 28 ഇനങ്ങളടങ്ങിയ ഓണസദ്യയാണ് സംഘടിപ്പിക്കുന്നത്.
ഇന്ത്യൻ കോഫി ഹൗസിന്റെ ഉദ്ഘാടനത്തോടനുബന്ധിച്ച് ദോഹയിലെ അമേച്വർ ഷെഫുകൾക്കായി ഡെസേർട്ട്‌സ് നിർമ്മാണ മത്സരം നടക്കും. രസീത് കൈപ്പറ്റുന്ന ആദ്യത്തെ 20 പേർക്ക് മത്സരത്തിൽ പങ്കെടുക്കാൻ അവസരമുണ്ട്.
തിരഞ്ഞെടുക്കപ്പെടുന്ന ഉദ്യോഗാർത്ഥികൾക്ക് മഞ്ജു വാര്യരിൽ നിന്ന് മെറിറ്റ് സർട്ടിഫിക്കറ്റ് സ്വീകരിക്കാൻ അവസരമുണ്ട്. കൂടാതെ എല്ലാ മത്സരാർത്ഥികൾക്കും മഞ്ജുവിനൊപ്പം ഗ്രൂപ്പ് ഫോട്ടോയ്ക്ക് പോസ് ചെയ്യാനുള്ള അവസരവും ലഭിക്കും.
