സോഷ്യൽ മീഡിയയിലൂടെ വ്യാപകമായി പ്രചരിച്ചു കൊണ്ടിരിക്കുന്ന ഒരു വീഡിയോയെക്കുറിച്ച് അന്വേഷിക്കാൻ അറ്റോർണി ജനറൽ ഡോ. ഇസ്സ ബിൻ സാദ് അൽ ജഫാലി അൽ നുഐമി ഉത്തരവിട്ടു. ഖത്തറിന്റെ ജുഡീഷ്യറിയെ അപമാനിക്കുന്ന തരത്തിലുള്ള ഉള്ളടക്കമാണ് വീഡിയോയിലുള്ളത്.
ബന്ധപ്പെട്ട പ്രോസിക്യൂഷൻ അതോറിറ്റി ഈ കേസ് അന്വേഷിക്കാൻ തുടങ്ങിയിട്ടുണ്ടെന്നും വീഡിയോ നിർമ്മിച്ച വ്യക്തിയെക്കുറിച്ച് അന്വേഷണം ആരംഭിച്ചിട്ടുണ്ടെന്നും പബ്ലിക് പ്രോസിക്യൂഷൻ പ്രസ്താവനയിൽ പറഞ്ഞു. അന്വേഷണം തുടരുന്നതിനിടെ ഈ വ്യക്തിയെ കസ്റ്റഡിയിലെടുത്തിട്ടുണ്ട്.
പീനൽ കോഡും സൈബർ കുറ്റകൃത്യ നിരോധന നിയമവും അനുസരിച്ച് നിയമനടപടി സ്വീകരിച്ചുവരികയാണ്. കാരണം വീഡിയോയിലെ ഉള്ളടക്കം ഈ നിയമങ്ങൾ പ്രകാരമുള്ള ശിക്ഷാ നടപടികൾക്ക് കാരണമാകുന്നതാണ്.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JlM3OXullDx42kdlpGxvJE
