ദോഹ: ലുസൈൽ സൂപ്പർ കപ്പ് ഇന്ന് നടക്കാനിരിക്കെ, സംഘാടക സമിതി വിശദമായ ഗതാഗത അപ്‌ഡേറ്റ് പ്രസിദ്ധീകരിച്ചു. മത്സരം രാത്രി 9 മണിക്ക് ആരംഭിക്കും. കിക്ക് ഓഫിന് നാല് മണിക്കൂർ മുമ്പ് ഗേറ്റുകൾ തുറക്കും. കാണികളോട് നേരത്തെ എത്തിച്ചേരാനും ലഘുവായ യാത്ര മാർഗങ്ങൾ തിരഞ്ഞെടുക്കാനും നിർദ്ദേശമുണ്ട്.
പരിപാടിയിൽ പങ്കെടുക്കാനുള്ള ഏറ്റവും വേഗമേറിയതും സൗകര്യപ്രദവുമായ മാർഗ്ഗം ദോഹ മെട്രോയാണ്. ലുസൈൽ സ്റ്റേഡിയത്തിൽ നിന്ന് 7-10 മിനിറ്റ് നടന്നാൽ ലുസൈൽ ക്യുഎൻബി മെട്രോ സ്റ്റേഷനെത്തും.
ലുസൈൽ സ്റ്റേഡിയത്തിന് ചുറ്റുമുള്ള റോഡുകളും പൊതുഗതാഗത സൗകര്യങ്ങളും വൈകുന്നേരം 4:30 നും അടുത്ത ദിവസം പുലർച്ചെ 2 നും ഇടയിൽ തിരക്കുള്ളതായിരിക്കുമെന്ന് പ്രതീക്ഷിക്കുന്നു.
സെപ്റ്റംബർ 9-ന് ലുസൈൽ സ്റ്റേഡിയത്തിന് ചുറ്റും റോഡ് അടച്ചിടലും വഴിതിരിച്ചുവിടലും ഉണ്ടാകും. ലുസൈൽ നിവാസികളും പൊതുജനങ്ങളും അതിനനുസരിച്ച് ഷെഡ്യൂളുകൾ ക്രമീകരിക്കാൻ നിർദ്ദേശിക്കുന്നു.
ലുസൈൽ സ്റ്റേഡിയത്തിലേക്കുള്ള യാത്രാ ഓപ്ഷനുകളിൽ ഇവ ഉൾപ്പെടുന്നു:
ദോഹ മെട്രോ
– ലുസൈൽ ക്യുഎൻബി മെട്രോ സ്റ്റേഷൻ (റെഡ് ലൈൻ) ലുസൈൽ സ്റ്റേഡിയത്തിന് സമീപമാണ് (ഏകദേശം 7-10 മിനിറ്റ് നടത്തം).
– ലുസൈൽ സൂപ്പർ കപ്പ് ആരാധകർക്കായി ദോഹ മെട്രോ പുലർച്ചെ 2 മണി വരെ പ്രവർത്തിക്കും.
പാർക്ക് & റൈഡ്
– കാർ പാർക്കുകളായ F, G എന്നിവിടങ്ങളിൽ നിന്നുള്ള പാർക്ക് & റൈഡ് ഷട്ടിൽ ബസ് സർവീസുകൾ കിക്ക്-ഓഫിന് നാല് മണിക്കൂർ മുമ്പ് ആരംഭിച്ച് അവസാന വിസിൽ കഴിഞ്ഞ് 90 മിനിറ്റ് വരെ സർവ്വീസ് നടത്തും.
സ്റ്റേഡിയം എക്സ്പ്രസ്
– സ്റ്റേഡിയം എക്സ്പ്രസ് ബസ് സർവീസ് കിക്ക്-ഓഫിന് നാല് മണിക്കൂർ മുമ്പ് ആരംഭിക്കുകയും അവസാന വിസിൽ കഴിഞ്ഞ് 90 മിനിറ്റ് വരെ പ്രവർത്തിക്കുകയും ചെയ്യും.
– ഖലീഫ ഇന്റർനാഷണൽ ടെന്നീസ് & സ്ക്വാഷ് കോംപ്ലക്സിന് അടുത്തുള്ള ഫിഫ ഫാൻ ഫെസ്റ്റിവൽ ബസ് ഹബ്ബിൽ നിന്ന് ബസ്സുകൾ ലഭ്യമാകും.
ടാക്സികൾ
– ടാക്സികൾക്കും റൈഡ്-ഹെയിൽ സർവീസുകൾക്കുമായി ഡ്രോപ്പ്-ഓഫ്/പിക്ക്-അപ്പ് ഏരിയകൾ ഉണ്ടാകും.
സ്വകാര്യ വാഹനം
– പൊതു പ്രവേശന കാർ പാർക്കുകളിൽ പാർക്ക് ചെയ്യുന്നതിനായി സ്വന്തം കാറുകൾ ഉപയോഗിക്കുന്ന കാണികൾ നീല നിറത്തിലുള്ള ‘P’ റോഡ് അടയാളങ്ങൾ പാലിക്കണം.
– അൽ ഖോർ എക്‌സ്‌പ്രസ്‌വേ (സൗത്ത്), ലുസൈൽ, മെറൈജീൽ ഇ’ബൗണ്ട് എന്നിവിടങ്ങളിൽ നിന്ന് വാഹനമോടിക്കുന്ന കാണികൾ കാർ പാർക്ക് സോൺ എച്ച് ലേക്ക് ഡ്രൈവ് ചെയ്യണം.
– അൽ ഖോർ എക്‌സ്‌പ്രസ്‌വേ (നോർത്ത്), മെറൈജീൽ എന്നിവിടങ്ങളിൽ നിന്ന് വാഹനം ഓടിക്കുന്നവർ കാർ പാർക്ക് സോൺ എഫ്, ജി ഇവയിലേക്ക് പോകണം.
– ലുസൈൽ എക്‌സ്‌പ്രസ്‌വേ, വാദി അൽ ബനാത്ത്/നോർത്ത് ദുഹൈൽ എന്നിവിടങ്ങളിൽ നിന്ന് വാഹനമോടിക്കുന്നവർ കാർ പാർക്ക് സോണുകൾ സി, ഡി, ഇ എന്നിവിടങ്ങളിലേക്ക് പോകണം.
– പൊതു പ്രവേശന കാർ പാർക്കുകളിൽ പാർക്ക് ചെയ്യുന്ന ആരാധകരോട് കാർ പാർക്കിനും സ്റ്റേഡിയത്തിനും ഇടയിൽ നടക്കാൻ അധിക സമയം ആവശ്യമാണെന്ന് ഓർമ്മിപ്പിക്കുന്നു.
– ആക്സസബിലിറ്റി പാർക്കിംഗ് ഓപ്ഷനുകളും പൊതു ഗതാഗതവും ലഭ്യമാണ്. സഹായത്തിനായി ഗ്രൗണ്ട് സ്റ്റാഫുമായി സംസാരിക്കുക.
