ഇന്ത്യൻ എംബസി ഐസിബിഎഫുമായി സഹകരിച്ച് സംഘടിപ്പിക്കുന്ന സ്പെഷ്യൽ കോൺസുലാർ ക്യാമ്പ് മാർച്ച് 22 അൽ ഖോറിലെ കോർ ബേ റെസിഡൻസിയിൽ നടക്കും. പാസ്പോർട്ട് പുതുക്കൽ, അറ്റസ്റ്റേഷൻ മറ്റ് എംബസ്സി സേവനങ്ങൾ എന്നിവയ്ക്ക് ക്യാമ്പ് പ്രയോജനപെടുത്താം. അൽ ഖോറിലും സമീപ പ്രദേശങ്ങളിലും താമസിക്കുന്ന ഇന്ത്യക്കാർക്ക് ദോഹയിൽ വരാനുള്ള പ്രയാസം പരിഗണിച്ചാണ് അൽ ഖോറിൽ ക്യാമ്പ് സംഘടിപ്പിക്കുന്നത്.
വെള്ളിയാഴ്ച രാവിലെ 9 മണി മുതൽ 11 വരെയാണ് ക്യാമ്പ്. രാവിലെ 8 മണി മുതൽ തന്നെ ഓൺ ലൈനിൽ അപേക്ഷ പൂരിപ്പിക്കൽ ആരംഭിക്കും. സേവനം ആവശ്യമുള്ളവർ ആവശ്യമായ രേഖകളുടെ പകർപ്പുകൾ കൊണ്ടുവരണമെന്നും സേവനങ്ങൾക്കുള്ള ചാർജുകൾ പണമായി മാത്രമേ സ്വീകരിക്കുകയുള്ളൂ എന്നും ഐസിബിഎഫ് വാർത്താക്കുറിപ്പിൽ അറിയിച്ചു. ഐസിബിഎഫ് ഇൻഷ്യൂറൻസ് ഡെസ്‌കും ക്യാമ്പിൽ പ്രവർത്തിക്കും.
പുതുക്കിയ പാസ്പോർട്ടുകൾ മാർച്ച് 29 രാവിലെ 9 മണി മുതൽ 10 മണി വരെ ഇതേ സ്ഥലത്ത് വെച്ച് വിതരണം ചെയ്യും. തൊഴിലാളികളുടെ പ്രശ്നങ്ങൾ അധികൃതരെ ബോധിപ്പിക്കാനും അവസരമുണ്ടാകും. കൂടുതൽ വിവരങ്ങൾക്ക് 70462114, 66100744 എന്നീ നമ്പറുകളിൽ ബന്ധപ്പെടണം.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
