ഖത്തറിലെ ജലാശയത്തിൽ ചത്ത കടലാമയെ കണ്ടെത്തി, മത്സ്യബന്ധന മാലിന്യങ്ങൾ സമുദ്രപരിസ്ഥിതിയെ നശിപ്പിക്കുമെന്നാവർത്തിച്ച് മന്ത്രാലയം

പരിസ്ഥിതി, കാലാവസ്ഥാ വ്യതിയാന മന്ത്രാലയം (MoECC) ഖത്തറിലെ ജലാശയത്തിൽ ഉപേക്ഷിക്കപ്പെട്ട മത്സ്യബന്ധന വലയിൽ കുടുങ്ങി ചത്ത ഒരു കടലാമയെ കണ്ടെത്തി.

എല്ലാ മത്സ്യത്തൊഴിലാളികളോടും ബീച്ചുകൾ സന്ദർശിക്കുന്നവരോടും മത്സ്യബന്ധന മാലിന്യങ്ങൾ കടലിൽ ഉപേക്ഷിക്കരുതെന്ന് മന്ത്രാലയം അഭ്യർത്ഥിച്ചു. ഇവ സമുദ്രജീവികൾക്ക്, പ്രത്യേകിച്ച് കടലാമകൾ, ഡുഗോങ്ങുകൾ, വംശനാശഭീഷണി നേരിടുന്ന മറ്റ് ജീവജാലങ്ങൾ എന്നിവക്ക് അപകടകരമാണ്.

കടലിനെ സംരക്ഷിക്കുന്നതിനും വംശനാശഭീഷണി നേരിടുന്ന മൃഗങ്ങളെ രക്ഷിക്കുന്നതിനും എല്ലാവരും ഒരുമിച്ച് പ്രവർത്തിക്കേണ്ടത് പ്രധാനമാണെന്ന് മന്ത്രാലയം പറഞ്ഞു. ഉത്തരവാദിത്തത്തോടെ പ്രവർത്തിക്കാനും പരിസ്ഥിതി സുരക്ഷിതമായി നിലനിർത്താനുള്ള ശ്രമങ്ങളെ പിന്തുണയ്ക്കാനും മന്ത്രാലയം അഭ്യർത്ഥിച്ചു.

കടലിൽ നിന്ന് ഉപേക്ഷിക്കപ്പെട്ട വലകൾ നീക്കം ചെയ്യുന്നതിനുള്ള ക്യാമ്പയിനുകൾ സമുദ്ര സംരക്ഷണ വകുപ്പ് പതിവായി നടത്താറുണ്ട്. സമുദ്രത്തിലെ ഒഴുക്ക് കാരണം അവ ഒരിടത്ത് നിന്ന് മറ്റൊരിടത്തേക്ക് മാറാനും അവയുടെ പാതയിൽ സമുദ്രജീവികളെ കുടുക്കാനും കഴിയുമെന്നതിനാൽ ഈ വലകൾ അപകടകരമാണ്.

മന്ത്രാലയം അടുത്തിടെ ഫുവൈരിറ്റ് ബീച്ചിൽ 2025-ലെ കടലാമ കൂടുകെട്ടൽ സീസൺ ആരംഭിച്ചതായി അറിയിച്ചിരുന്നു. ഖത്തറിലെ വന്യജീവികളെ സംരക്ഷിക്കുന്നതിനും ഹോക്സ്ബിൽ കടലാമ പോലുള്ള വംശനാശഭീഷണി നേരിടുന്ന മൃഗങ്ങളെ സംരക്ഷിക്കുന്നതിനുമുള്ള അവരുടെ തുടർച്ചയായ പ്രവർത്തനങ്ങളുടെ ഭാഗമാണ് ഈ പദ്ധതി.

ഉമ്മുൽ ഖുഹാബിന്റെ വടക്കൻ പ്രദേശങ്ങളിൽ ശുചീകരണ കാമ്പയിൻ

വന്യജീവി സംരക്ഷണ വകുപ്പിലൂടെ പരിസ്ഥിതി, കാലാവസ്ഥാ വ്യതിയാന മന്ത്രാലയം ഉം അൽ ഖുഹാബിന്റെ വടക്കൻ പ്രദേശത്ത് ഒരു ശുചീകരണ കാമ്പയിൻ സംഘടിപ്പിച്ചു. രാജ്യത്തുടനീളമുള്ള പുൽമേടുകളും വന്യപ്രദേശങ്ങളും വൃത്തിയാക്കുന്നതിനുള്ള വലിയ ശ്രമത്തിന്റെ ഭാഗമാണിത്.

ഈ പ്രദേശങ്ങൾ സന്ദർശിക്കുന്ന ആളുകളോട് അവ വൃത്തിയായി സൂക്ഷിക്കാനും മാലിന്യങ്ങൾ ഉപേക്ഷിക്കരുതെന്നും മന്ത്രാലയം ആവശ്യപ്പെട്ടു. സസ്യങ്ങളെയും മൃഗങ്ങളെയും സംരക്ഷിക്കാൻ സഹായിക്കുന്നതിന് ഉചിതമായ സ്ഥലങ്ങളിൽ മാലിന്യം വലിച്ചെറിയാൻ എല്ലാവരെയും ഓർമ്മിപ്പിച്ചു.

ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/JlM3OXullDx42kdlpGxvJE