2022 ലോകകപ്പിനെ ഓർമിപ്പിച്ച സംഘാടനം, 2024 ഫിഫ ഇന്റർകോണ്ടിനെന്റൽ കപ്പ് വിജയത്തിൽ ഖത്തറിന് നന്ദി പറഞ്ഞ് ഫിഫ പ്രസിഡന്റ്
ഫിഫ ഇൻ്റർകോണ്ടിനെൻ്റൽ കപ്പ് ഖത്തർ 2024 ഖത്തർ മികച്ച രീതിയിൽ സംഘടിപ്പിച്ചുവെന്ന് ഫിഫ പ്രസിഡൻ്റ് ജിയാനി ഇൻഫാൻ്റിനോ പ്രശംസിച്ചു.
ലുസൈൽ സ്റ്റേഡിയത്തിൽ മെക്‌സിക്കോയുടെ പച്ചൂക്കയ്‌ക്കെതിരെ ഫൈനലിൽ വിജയിച്ച റയൽ മാഡ്രിഡിനുള്ള ട്രോഫി അവതരണ വേളയിൽ, ഖത്തറിൻ്റെ മികച്ച സംഘാടനം 2022 ഫിഫ ലോകകപ്പ് ഖത്തറിനെ ഓർമ്മിപ്പിച്ചതായി ഇൻഫാൻ്റിനോ പറഞ്ഞു.
പരിപാടിക്ക് ആതിഥേയത്വം വഹിക്കാനുള്ള ഖത്തറിൻ്റെ ശ്രമങ്ങൾക്ക് അദ്ദേഹം നന്ദി പറഞ്ഞു.
ലുസൈൽ സ്റ്റേഡിയത്തിലേക്ക് മടങ്ങിയെത്തിയതിൽ സന്തോഷമുണ്ടെന്ന് ഇൻഫാൻ്റിനോ പറഞ്ഞു, റയൽ മാഡ്രിഡിൻ്റെ മികച്ച പ്രകടനത്തെ അദ്ദേഹം പ്രശംസിക്കുകയും ഫൈനലിൽ ഇരു ടീമുകളുടെയും പ്രകടനത്തിന് അഭിനന്ദനങ്ങൾ അറിയിക്കുകയും ചെയ്തു.
സ്റ്റേഡിയത്തിലെ ആരാധകരെ അദ്ദേഹം അഭിനന്ദിച്ചു, ഫൈനൽ വിജയകരമാക്കാൻ അവർ സഹായിച്ചുവെന്നും അദ്ദേഹം പറഞ്ഞു.
ലുസൈൽ സ്റ്റേഡിയത്തിൽ നടന്ന ഫൈനലിൽ 67,249 പേരാണ് എത്തിയത്. പാച്ചൂക്കയെ 3-0ന് പരാജയപ്പെടുത്തിയാണ് റയൽ മാഡ്രിഡ് കിരീടം നേടിയത്.
