ആദ്യത്തെ ‘ദോഹ ഫോട്ടോഗ്രാഫി ഫെസ്റ്റിവൽ’ ഇന്ന് ആരംഭിക്കുമെന്ന് സാംസ്‌കാരിക മന്ത്രാലയം അറിയിച്ചു. ഉം സലാലിലെ ദർബ് അൽ സായിക്ക് എതിർവശത്തായി നവംബർ 13 വരെ നടക്കുന്ന ഫെസ്റ്റിവലിൽ ഫോട്ടോഗ്രാഫി ക്യാമറകളിൽ സ്പെഷ്യലൈസ്‌ഡായ എട്ട് അന്താരാഷ്ട്ര കമ്പനികൾ പങ്കെടുക്കും.
സന്ദർശകർക്ക് വ്യക്തിഗത, ഗ്രൂപ്പ് ഫോട്ടോ പ്രദർശനങ്ങൾ ആസ്വദിക്കാനും പഴയ ഫോട്ടോഗ്രാഫുകൾ കാണാനും വിന്റേജ് ക്യാമറകളുടെ പ്രദർശനങ്ങൾ കാണാനും കഴിയും. ഫിലിം ഫോട്ടോഗ്രാഫിക്കും പ്രത്യേക മേഖലയുണ്ട്. പ്രധാന തിയേറ്ററിൽ അന്താരാഷ്ട്ര ഫോട്ടോഗ്രാഫർമാരുടെ പ്രഭാഷണങ്ങളും സെമിനാറുകളും കൂടാതെ പൊതുജനങ്ങൾക്കുള്ള ശിൽപശാലകളും സംവേദനാത്മക ഇടങ്ങളും ഉണ്ടായിരിക്കും.
