ദോഹ മെട്രോ എംഷെരീബ്/അൽ ബിദ്ദ, അൽ അസീസിയ സ്റ്റേഷനുകൾക്കായി രണ്ട് പുതിയ മെട്രോ ലിങ്ക് റൂട്ടുകൾ കൂടി തങ്ങളുടെ നെറ്റ്‌വർക്കിലേക്ക് ചേർത്തു. നാളെ മുതലാണ് പുതിയ റൂട്ടുകൾ സർവീസ് തുടങ്ങുക.
അൽ ബിദ്ദ, മുഷൈരീബ് സ്റ്റേഷനുകൾക്കിടയിൽ കടന്നുപോകുന്ന റൂട്ട് എം108 ആണ്.
ഇതിന് എസ്ദാൻ അൽ റയ്യാൻ ടവേഴ്സ്, ബനിയൻ ട്രീ ദോഹ, സ്‌ക്വയർ ഇലക്ട്രോണിക്‌സ്, സാറേ മുഷൈറെബ്‌, ഷെറാട്ടൺ, അൽ മന & പാർട്ണേഴ്സ്, റീജൻസി റെസിഡൻസസ് എന്നിവയുടെ നാല് പോയിന്റുകൾ സഹിതം വിവിധ സ്ഥലങ്ങളിൽ പിക്കപ്പ്, ഡ്രോപ്പ് പോയിന്റുകൾ ഉണ്ടാകും.
M312 എന്ന രണ്ടാമത്തെ റൂട്ട് അൽ അസീസിയ സ്റ്റേഷനും നിസ്സാൻ ക്വിക്ക് സർവീസിനും ഇടയിലാണ്. ഇത് ഹെറ്റീൻ ബോയ്സ് സ്കൂൾ, അൽ ആൻഡലസ് സ്കൂൾ ഫോർ ബോയ്സ്, അൽ ഹവാരി കഫെറ്റീരിയ, അൽ മുറ സ്റ്റുഡിയോ, ഫൂട്ട്‌സ്റ്റെപ്പ് നഴ്‌സറി, ഹണി പോട്ട് നഴ്‌സർ, ഫാമിലി മെഡിക്കൽ പോളിക്ലിനിക് എന്നിവയിലൂടെ കടന്നുപോകുന്നു.
ദോഹ മെട്രോ റാസ് ബു ഫോണ്ടാസ് സ്റ്റേഷനിൽ നിന്നുള്ള M127 റൂട്ടിൽ മെട്രോ ലിങ്ക് സേവനം പുനരാരംഭിക്കുകയും ചെയ്യും.
ഈ സ്റ്റേഷനും അൽ വക്ര സ്റ്റേഷനും ഇടയിൽ, അൽ വക്ര റോഡ് വഴി, ദോഹ ബ്രിട്ടീഷ് സ്കൂൾ, അൽ മീര, സൂഖ് അൽ വക്ര, അൽ വക്ര പാർക്ക് എന്നിവയിലൂടെയാണ് ഈ റൂട്ട് കടന്നുപോകുക.
ദോഹ മെട്രോ സ്റ്റേഷനുകളുടെ 2 മുതൽ 5 കിലോമീറ്റർ ചുറ്റളവിൽ ഖത്തർ റെയിൽ ഉപഭോക്താക്കൾക്ക് ആദ്യ, അവസാന മൈൽ കണക്റ്റിവിറ്റി നൽകുന്ന ഫീഡർ ബസ് ശൃംഖലയാണ് മെട്രോലിങ്ക്.
സ്വകാര്യ കാറുകളില്ലാത്തവരും മറ്റ് ഗതാഗത മാർഗ്ഗങ്ങളെ ആശ്രയിക്കുന്നവരുമായവർക്ക് ഏറെ പ്രയോജനകരമാണ് മെട്രോലിങ്ക്. ദോഹയിലെ മറ്റ് പ്രദേശങ്ങളിലെ താമസക്കാർ സമീപഭാവിയിൽ കൂടുതൽ റൂട്ടുകൾ ലഭ്യമാവുമെന്നു പ്രതീക്ഷ പ്രകടിപ്പിക്കുന്നുണ്ട്,
