ഒമ്പത് സ്ഥലങ്ങളിലായി മൂന്നു ലക്ഷം ഇഫ്താർ ഭക്ഷണം നൽകും, ഇഫ്താർ നോമ്പ് ക്യാമ്പയിൻ ആരംഭിച്ച് ഔഖാഫ്
1446 ഹിജ്റ റമദാനിൽ എൻഡോവ്‌മെൻ്റ് ആൻ്റ് ഇസ്‌ലാമിക് അഫയേഴ്‌സ് മന്ത്രാലയം (ഔഖാഫ്) ഇഫ്താർ നോമ്പ് കാമ്പെയ്ൻ ആരംഭിച്ചു. രാജ്യത്ത് ഒമ്പത് സ്ഥലങ്ങളിലായി 300,000 ഇഫ്താർ ഭക്ഷണം ഇതിലൂടെ നൽകുന്നു, ആവശ്യമെങ്കിൽ വിപുലീകരിക്കാനും പദ്ധതിയുണ്ട്.
ഇസ്‌ലാം പഠിപ്പിക്കുന്ന, സമൂഹത്തിനുള്ളിൽ ഐക്യത്തിൻ്റെയും സഹകരണത്തിൻ്റെയും മൂല്യങ്ങൾ പ്രോത്സാഹിപ്പിക്കുന്നതിനുള്ള മന്ത്രാലയത്തിൻ്റെ ശ്രമങ്ങളുടെ ഭാഗമാണ് ഈ കാമ്പെയ്‌നെന്ന് ഔഖാഫിലെ ഇഫ്താർ കമ്മിറ്റി ചെയർമാൻ മുഹമ്മദ് യാക്കൂബ് അൽ അലി പത്രസമ്മേളനത്തിൽ പറഞ്ഞു.
പാരിതോഷികങ്ങളും അനുഗ്രഹങ്ങളും സമ്പാദിക്കുന്നതിന് സംഭാവന നൽകിയ നിരവധി ആളുകളെ അദ്ദേഹം ചൂണ്ടിക്കാട്ടി ദാതാക്കളിൽ നിന്നുള്ള ഉദാരമായ പിന്തുണയെ അദ്ദേഹം അഭിനന്ദിച്ചു. രണ്ട് ദാതാക്കൾ മുറൈഖിലും ഇൻഡസ്ട്രിയൽ ഏരിയയിലും മൊത്തം 30,000 ഭക്ഷണത്തിനു വേണ്ടിയുള്ള ചെലവിനുള്ള ധനസഹായം നൽകിയതായി അദ്ദേഹം പരാമർശിച്ചു.
ഐൻ ഖാലിദ് (വ്യാഴം, വെള്ളി മാർക്കറ്റ്), അൽ സെയ്‌ലിയ (പുതിയ സെൻട്രൽ മാർക്കറ്റ്), അൽ റയ്യാൻ (ഈദ് പ്രാർത്ഥന സ്ക്വയർ”, അൽ വക്ര (പഴയ വക്ര മാർക്കറ്റിന് എതിർവശത്ത്), അൽ ഖോർ (ഉത്മാൻ ബിൻ അഫാൻ മസ്‌ജിദ്‌), ഫിരീജ് ബിൻ ഒമ്രാൻ (ഈദ് പ്രാർത്ഥന സ്ക്വയർ), അൽ അസീസിയ (ഈദ് പ്രാർത്ഥന സ്ക്വയർ)തുടങ്ങിയ സ്ഥലങ്ങളിൽ കാമ്പെയ്‌നിനെ പിന്തുണയ്ക്കണമെന്ന് അൽ അലി ദാതാക്കളോട് അഭ്യർത്ഥിച്ചു. സംഭാവന ചെയ്യുന്നവരിൽ നിന്നുള്ള പ്രതികരണം ഗുണഭോക്താക്കളുടെ എണ്ണവും ഭക്ഷണവും വർദ്ധിപ്പിക്കാൻ സഹായിക്കുമെന്ന് അദ്ദേഹം എടുത്തുപറഞ്ഞു. ഓരോന്നിനും 23 QR ആണ് നൽകേണ്ടത്. താൽപ്പര്യമുള്ളവർക്ക് ഒരു സ്ഥലം തിരഞ്ഞെടുത്ത് ഈ ലിങ്ക് വഴി പങ്കെടുക്കാം: https://www.awqaf.gov.qa/ftr.
ഇഫ്താർ വേദികളിൽ അംഗീകൃത മാനദണ്ഡങ്ങൾക്കനുസൃതമായി ടെൻ്റുകൾ സജ്ജീകരിക്കും, മഗ്രിബ് നമസ്കാരത്തിന് മുമ്പ് വിവിധ മതപരമായ പ്രവർത്തനങ്ങൾ നടക്കും.
കമ്മ്യൂണിറ്റി ബന്ധങ്ങൾ ശക്തിപ്പെടുത്താനും ആവശ്യമുള്ളവരെ പിന്തുണയ്ക്കാനും റമദാനിൽ നോമ്പെടുക്കാൻ അവരെ പ്രാപ്തരാക്കാനും ഈ കാമ്പയിൻ ലക്ഷ്യമിടുന്നു. കൃത്യസമയത്ത് ഭക്ഷണം തയ്യാറാക്കുന്നതിൽ വെല്ലുവിളികൾ നേരിടുന്ന തൊഴിലാളികളുടെ ഭാരം ലഘൂകരിക്കാനും ഇത് സഹായിക്കുന്നു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/KIN30zTLtBDKISiedAzBHx
