അൽ വാബ് പ്രദേശത്തെ റോഡുകളും അടിസ്ഥാന സൗകര്യങ്ങളും മെച്ചപ്പെടുത്തുന്നതിനുള്ള പദ്ധതിയുമായി അഷ്ഗൽ
അൽ വാബ് പ്രദേശത്തെ റോഡുകളും അടിസ്ഥാന സൗകര്യങ്ങളും മെച്ചപ്പെടുത്തുന്നതിനായി പൊതുമരാമത്ത് അതോറിറ്റി (അഷ്ഗൽ) ഒരു പുതിയ പദ്ധതി ആരംഭിച്ചിട്ടുണ്ട്. ഇന്റേണൽ റോഡുകൾ നവീകരിക്കുക, പ്രദേശം സുരക്ഷിതമാക്കുക, അവിടെ താമസിക്കുന്ന ആളുകൾക്ക് അടിസ്ഥാന സേവനങ്ങൾ മെച്ചപ്പെടുത്തുക എന്നിവയാണ് ലക്ഷ്യം.
വീടുകളും ബിസിനസുകളും ഉൾപ്പെടുന്ന അൽ വാബിന്റെ ഒരു ഭാഗത്തിനു ഈ പദ്ധതിയുടെ സേവനം ലഭിക്കും. സൽവ റോഡിന് വടക്കും അൽ ഘരിയ സ്ട്രീറ്റിന് തെക്കും കിഴക്ക് അൽ ഹവായ സ്ട്രീറ്റിനും പടിഞ്ഞാറ് അൽ സിദ്ർ സ്ട്രീറ്റിനും ഇടയിലാണ് ഇത് സ്ഥിതി ചെയ്യുന്നത്. റോഡുകൾ ഉപയോഗിക്കുന്ന ആളുകൾക്ക് ഉണ്ടാകുന്ന പ്രശ്നങ്ങൾ കുറയ്ക്കുന്നതിനായി ഇതിനെ നാല് ഭാഗങ്ങളായി തിരിച്ചിരിക്കുന്നു. ഇവയിൽ ഒന്നിന് പുറകെ ഒന്നായി പദ്ധതി നടപ്പിലാക്കും. നിലവിലുള്ള 50-ഓളം പ്ലോട്ടുകൾക്ക് ഈ പദ്ധതി സേവനം നൽകും.
1.7 കിലോമീറ്റർ റോഡുകൾ നവീകരിക്കുന്നതും നിർമ്മിക്കുന്നതും പദ്ധതിയിൽ ഉൾപ്പെടുന്നുണ്ടെന്നും 57 തെരുവുവിളക്കുകളും റോഡ് അടയാളപ്പെടുത്തലുകളും ചേർത്ത് റോഡ് സുരക്ഷ മെച്ചപ്പെടുത്തുകയും ചെയ്യുമെന്നും കാൽനടയാത്രക്കാർക്കായി 3.5 കിലോമീറ്റർ ഫുട്പാത്തുകളും 350 പാർക്കിംഗ് സ്ഥലങ്ങളും നിർമ്മിക്കുമെന്നും അഷ്ഗലിന്റെ പടിഞ്ഞാറൻ പ്രദേശങ്ങളിലെ റോഡ് പ്രൊജക്റ്റുകളിൽ പ്രവർത്തിക്കുന്ന എഞ്ചിനീയർ അബ്ദുള്ള അൽ സുവൈദി പറഞ്ഞു.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/D4WDfhjld0jFXSYHVlwyf2
