ദോഹ: നവംബർ 20 മുതൽ ഡിസംബർ 18 വരെ നടക്കുന്ന ഈ വർഷത്തെ ഫിഫ ലോകകപ്പിൽ ഖത്തറിലുടനീളം സവിശേഷമായ വിനോദ സാംസ്കാരിക പരിപാടികളും സംഘടിപ്പിക്കും.
രാജ്യവ്യാപകമായി നടക്കുന്ന ഫെസ്റ്റിവലിലേക്ക് ഇന്നലെ 100 ദിവസത്തെ കൗണ്ട്‌ഡൗൺ തുടങ്ങി. ടൂർണമെന്റിന്റെ ഭാഗമായി 90 ലധികം പ്രത്യേക പരിപാടികളാണ് നടക്കുക. പ്രധാന പരിപാടികളിൽ മത്സരം കാണാനുള്ള സ്ഥലങ്ങൾ, സംഗീതോത്സവങ്ങൾ, സാംസ്കാരിക പ്രദർശനങ്ങൾ, സ്ട്രീറ്റ്‌ പ്രകടനങ്ങൾ എന്നിവയുണ്ട്.
വേൾഡ് കപ്പ് കാലത്ത് രാജ്യത്തിന്റെ പ്രധാന വിനോദസഞ്ചാര കേന്ദ്രമായി കോർണിഷ് മാറും. ഷെറാട്ടൺ ഹോട്ടൽ മുതൽ ഇസ്ലാമിക് ആർട്ട് പാർക്ക് മ്യൂസിയം വരെ നീളുന്ന 6 കിലോമീറ്റർ റൂട്ടിൽ കാർണിവൽ ഒരുങ്ങും. റോവിംഗ് പ്രകടനങ്ങൾ, സാംസ്കാരിക പ്രവർത്തനങ്ങൾ, ഭക്ഷണ-പാനീയ സ്റ്റാളുകൾ, റീട്ടെയിൽ ഔട്ട്ലെറ്റുകൾ എന്നിവ ഇവയിൽ പ്രദർശിപ്പിക്കും. ഒരേസമയം 120,000-ത്തിലധികം ആളുകൾക്ക് വരെ കോർണിഷ് സന്ദർശിക്കാനാവും.
മത്സരങ്ങളിൽ പങ്കെടുക്കുന്ന ആരാധകർക്ക് എട്ട് സ്റ്റേഡിയങ്ങളുടെയും പരിസരത്ത് നിരവധി വിനോദങ്ങൾ ലഭ്യമാക്കും.
ലാസ്റ്റ്-മൈൽ കൾച്ചറൽ ആക്ടിവേഷൻ 21 സ്ഥലങ്ങളിലായി 6,000-ലധികം പ്രകടനങ്ങൾ അവതരിപ്പിക്കും. വിഷ്വൽ ആർട്ട്‌സ്, കരകൗശല വസ്തുക്കൾ, ഫാഷൻ ഡിസൈൻ, പെർഫോമൻസ് ആർട്ട്, സംഗീതം, ഫിലിം പ്രദർശനങ്ങൾ എന്നിവ ഹൈലൈറ്റുകളിൽ ഉൾപ്പെടും.
സ്റ്റേഡിയങ്ങളിൽ നിന്ന് അകലെ, അൽ ബിദ്ദ പാർക്കിലെ ഫിഫ ഫാൻ ഫെസ്റ്റിവലിലേക്ക് ഫുട്ബോൾ ആരാധകർക്ക് സഞ്ചരിക്കാം. അവിടെ എല്ലാ മത്സരങ്ങളും തത്സമയം കാണിക്കുകയും, സ്റ്റേജ് പ്രകടനങ്ങൾ, ഭക്ഷണ പാനീയ ഔട്ട്ലെറ്റുകൾ, സാംസ്കാരിക പ്രവർത്തനങ്ങൾ, സ്പോൺസർ ആക്ടിവേഷൻ എന്നിവ സംഘടിപ്പിക്കുകയും ചെയ്യും.
ഫിഫ ഫാൻ ഫെസ്റ്റിവൽ നവംബർ 20 ന് ആരംഭിക്കും. ഇവിടെ 40,000 സന്ദർശകരെ വരെ ആതിഥേയമാക്കാനുള്ള ശേഷിയുണ്ട്.
അൽ മഹാ ദ്വീപ് ലുസൈലിൽ എല്ലാ പ്രായത്തിലുമുള്ള ആളുകൾക്കായി നിരവധി കച്ചേരികളും പ്രകടനങ്ങളും സംഘടിപ്പിക്കും. ഐസ് സ്കേറ്റിംഗും സർക്കസ് പ്രകടനങ്ങളും ഉൾപ്പെടെ തീം പാർക്ക് റൈഡുകളും ഇവിടെ ആരാധകർക്ക് ആസ്വദിക്കാനാകും.
കൂടാതെ, മ്യൂസിയങ്ങൾ, സൂഖ് വാഖിഫ്, കത്താറ കൾച്ചറൽ വില്ലേജ്, മ്ശൈറബ് ഡൗൺടൗൺ ദോഹ എന്നിവയുൾപ്പെടെ രാജ്യത്തെ പ്രധാന വിനോദസഞ്ചാര കേന്ദ്രങ്ങളിൽ ആരാധകർക്ക് വൈവിധ്യമാർന്ന സാംസ്കാരിക വിനോദ പരിപാടികൾ ലഭ്യമാകും.
ഇൻഡസ്ട്രിയൽ ഏരിയയിലും അൽ ഖോറിലും ഫാൻ സോണുകൾ ഹോസ്റ്റുചെയ്യും. കൂടുതൽ വിശദാംശങ്ങൾ ഉടൻ പ്രഖ്യാപിക്കും.
