2022 ഫിഫ ലോകകപ്പിനായി ഉപയോഗിച്ച ഉപയോഗിച്ച ഫർണിഷ് ചെയ്‌ത 105 ക്യാബിനുകളും വലിയ അളവിലുള്ള ആർട്ടിഫിഷ്യൽ ഗ്രാസും വിൽക്കുന്നതിനായി പൊതുമരാമത്ത് അതോറിറ്റി ‘അഷ്ഗൽ’ ഒരു പൊതു ലേലം പ്രഖ്യാപിച്ചു. ലേലം 2024 ഡിസംബർ 8 ഞായറാഴ്ച്ച ആരംഭിക്കും. സ്റ്റോക്ക് തീരുന്നത് വരെ ലേലം തുടരും.
ലേല സ്ഥലവും സമയവും
ഹമദ് ഇൻ്റർനാഷണൽ എയർപോർട്ടിന് സമീപമുള്ള ഫ്രീ സോൺ മെട്രോ സ്റ്റേഷന് പിന്നിൽ സ്ഥിതി ചെയ്യുന്ന അബു ഫോണ്ടാസ് ഏരിയയിൽ (ഫ്രീ സോൺ – ഫിഫ വേൾഡ് കപ്പ് 2022 ഫാൻ അക്കമഡേഷൻ) ലേലം നടക്കും. രണ്ടു സെഷനുകളായാണ് ലേലം നടക്കുക. പ്രഭാത സെഷൻ രാവിലെ 8 മുതൽ 12 വരെയും സായാഹ്ന സെഷൻ 3 മണി മുതൽ 5 മണി വരെയുമാണ്.
ഉയർന്ന നിലവാരമുള്ള ക്യാബിനുകളും ആർട്ടിഫിഷ്യൽ ഗ്രാസും മത്സരാധിഷ്ഠിത വിലയിൽ വാഗ്ദാനം ചെയ്യുന്ന ഈ ലേലം പ്രയോജനപ്പെടുത്താൻ എല്ലാ പൗരന്മാരെയും താമസക്കാരെയും ജനറൽ സർവീസസ് ഡിപ്പാർട്ട്‌മെൻ്റ് മാനേജർ യൂസഫ് അൽ-ഉബൈദ്‌ലി ക്ഷണിച്ചു. സുതാര്യവും നീതിയുക്തവുമായ പ്രക്രിയ ഉറപ്പാക്കി, നല്ല നിലയിലുള്ള പ്രീമിയം ക്യാബിനുകളും കൃത്രിമ പുല്ലും സ്വന്തമാക്കാൻ മികച്ച അവസരമാണ് ലേലമെന്ന് അദ്ദേഹം പറഞ്ഞു.
നിബന്ധനകളും വ്യവസ്ഥകളും:
– ഡെപ്പോസിറ്റ് ഫീസ്: മുഴുവൻ ആർട്ടിഫിഷ്യൽ ഗ്രാസിനുമായി QAR 500, ഓരോ ക്യാബിനും QAR 500 (T01 മുതൽ T105 വരെ ലേബൽ ചെയ്‌തിരിക്കുന്നു) വീതം. ലേലത്തിൻ്റെ തുടക്കത്തിൽ ക്രെഡിറ്റ് കാർഡ് വഴി പണമടയ്ക്കണം.
– ആർട്ടിഫിഷ്യൽ ഗ്രാസിന്റെ അളവ് വളരെ വലുതാണ്, കൂടാതെ 105 ക്യാബിനുകൾ ലഭ്യമാണ്.
– ആർട്ടിഫിഷ്യൽ ഗ്രാസ് മുഴുവനായാണ് വാങ്ങുന്നത്. അതേസമയം ക്യാബിനുകൾ വ്യക്തിഗതമായോ കൂട്ടമായോ വാങ്ങാം.
– സാധനങ്ങളുടെ നിലവിലെ അതെ അവസ്ഥയിലാണ് വിൽപ്പന നടത്തുന്നത്
– ഏറ്റവും ഉയർന്ന ബിഡ് (വാങ്ങുന്നയാൾ) സ്ഥിരീകരിക്കുമ്പോൾ, മുഴുവൻ പേയ്‌മെൻ്റും ക്രെഡിറ്റ് കാർഡ് വഴി ഉടനടി നൽകണം.
– വാങ്ങുന്നയാൾക്ക് സ്വന്തം ചെലവിൽ സാധനങ്ങൾ ശേഖരിക്കുന്നതിനും കൊണ്ടുപോകുന്നതിനും ഉത്തരവാദിത്തമുണ്ട്. ഗതാഗതം, തൊഴിലാളികൾ, വിൽപ്പനയ്ക്ക് ശേഷമുള്ള നാശനഷ്ടങ്ങൾ എന്നിവയുമായി ബന്ധപ്പെട്ട ഒരു ചെലവും ഓർഗനൈസിംഗ് അതോറിറ്റി വഹിക്കില്ല. ബിഡ് സ്ഥിരീകരിച്ചു കഴിഞ്ഞ് മൂന്ന് ദിവസത്തിനകം സാധനങ്ങൾ ശേഖരിക്കണം.
– പണമടച്ച് മൂന്ന് ദിവസത്തിനുള്ളിൽ സാധനങ്ങൾ കൊണ്ടുപോകുന്നതിൽ വാങ്ങുന്നയാൾ പരാജയപ്പെട്ടാൽ, വിൽപ്പന റദ്ദാക്കുകയും അടച്ച തുക കണ്ടുകെട്ടുകയും ചെയ്യും.
– ക്യാബിനുകളുടെയും ആർട്ടിഫിഷ്യൽ ഗ്രാസിന്റെയും പരിശോധന നിയുക്ത സ്ഥലത്ത് ഓർഗനൈസിംഗ് അതോറിറ്റി വ്യക്തമാക്കിയ സമയത്ത് നടത്താം.
– ലേലത്തിൽ പങ്കെടുക്കുന്നതിനായി, കമ്പനികൾ കൊമേഴ്‌സ്യൽ രജിസ്‌ട്രേഷൻ്റെ ഒരു പകർപ്പ്, സ്ഥാപന ഐഡി, ബിഡ്ഡർക്കുള്ള ഒരു ഓതറൈസേഷൻ ലെറ്റർ എന്നിവയ്‌ക്കൊപ്പം ബിഡ്ഡറുടെ വ്യക്തിഗത ഐഡിയുടെ യഥാർത്ഥവും പകർപ്പും നൽകണം. വ്യക്തികളുടെ കാര്യത്തിൽ, അവർ അവരുടെ വ്യക്തിഗത ഐഡിയുടെ യഥാർത്ഥവും പകർപ്പും ഹാജരാക്കണം. ഐഡി പ്രാബല്യത്തിലുള്ളതായിരിക്കണം.
ഉയർന്ന ഗുണമേന്മയുള്ള ഉൽപ്പന്നങ്ങൾ ന്യായമായ വിലയ്ക്ക് സ്വന്തമാക്കാൻ ഈ ലേലം പ്രയോജനപ്പെടുത്താൻ താൽപ്പര്യമുള്ള കക്ഷികളോട് അഷ്ഗാൽ അഭ്യർത്ഥിച്ചു.
