ഏഷ്യയിലെയും ലോകത്തിലെ തന്നെയും ഏറ്റവും സുരക്ഷിത നഗരങ്ങളിലൊന്നായി ഖത്തറിലെ ദോഹ ഒരിക്കൽ കൂടി റാങ്ക് ചെയ്യപ്പെട്ടു. ആഗോള വാർത്താ ഓർഗനൈസേഷനുകൾ വ്യാപകമായി ഉപയോഗിക്കുന്ന ഓൺലൈൻ സർവേകളെ അടിസ്ഥാനമാക്കിയുള്ള ഡാറ്റാബേസ് ആയ Numbeo യുടെ ഏറ്റവും പുതിയ ക്രൈം ഇൻഡക്സ് 2024 മിഡ്-ഇയർ റിപ്പോർട്ട് അനുസരിച്ച്, റിപ്പോർട്ടിലെ 311 ആഗോള നഗരങ്ങളിൽ സുരക്ഷയുടെ സൂചികയിൽ മൂന്നാം സ്ഥാനത്താണ് ദോഹ. വെറും 16.1. പോയിന്റുമായി കുറ്റകൃത്യങ്ങൾ വളരെയേറെ കുറവാണ് ദോഹയിൽ.
നേരെമറിച്ച്, ദക്ഷിണാഫ്രിക്കയിലെ രണ്ട് നഗരങ്ങളായ പീറ്റർമാരിറ്റ്സ്ബർഗും പ്രിട്ടോറിയയും, യഥാക്രമം 82.5 ഉം 81.9 ഉം പോയിന്റുമായി നഗരങ്ങളിൽ ഏറ്റവും കൂടുതൽ കുറ്റകൃത്യങ്ങൾ നടക്കുന്നതായി റിപ്പോർട്ട് ചെയ്യപ്പെടുന്നു.
കാരക്കാസ്, വെനസ്വേല (81.7), പോർട്ട് മോറെസ്ബി, പാപുവ ന്യൂ ഗിനിയ (80.9), ദക്ഷിണാഫ്രിക്കയിലെ ജോഹന്നാസ്ബർഗ് (80.8) എന്നിവയാണ് ഏറ്റവും കൂടുതൽ കുറ്റകൃത്യങ്ങൾ നടക്കുന്ന ആദ്യ അഞ്ച് നഗരങ്ങൾ.
ഏറ്റവും കുറഞ്ഞ കുറ്റകൃത്യ നിരക്കുള്ള നഗരങ്ങളെ സംബന്ധിച്ചിടത്തോളം, യുഎഇയിലെ അബുദാബിയും അജ്മാനും യഥാക്രമം 11.8, 15.8 സ്‌കോറുകളോടെ ദോഹയെ മറികടന്നു.
മോഷണം, അക്രമം, നശീകരണം തുടങ്ങിയ ഘടകങ്ങളെ അടിസ്ഥാനമാക്കിയാണ് നംബിയോ സൂചിക കുറ്റകൃത്യങ്ങളുടെ നിരക്ക് കണക്കാക്കുന്നത്.
ഒരു നിശ്ചിത നഗരത്തിലോ രാജ്യത്തിലോ ഉള്ള കുറ്റകൃത്യങ്ങളുടെ മൊത്തത്തിലുള്ള കണക്കാണ് നംബിയോയുടെ ക്രൈം ഇൻഡക്സ്. 20 നും 40 നും ഇടയിലുള്ള കുറ്റകൃത്യങ്ങളുടെ തോത് വളരെ കുറവായും, 40 നും 60 നും ഇടയിലുള്ള കുറ്റകൃത്യങ്ങളുടെ തോത് മിതമായതും, 60 നും 80 നും ഇടയിലുള്ള കുറ്റകൃത്യങ്ങളുടെ അളവ് ഉയർന്നതും, 80 ന് മുകളിലുള്ള കുറ്റകൃത്യങ്ങളുടെ അളവ് വളരെ ഉയർന്നതുമായി ഇത് കണക്കാക്കുന്നു.
ഖത്തറിൽ ഒരാളുടെ ചർമ്മത്തിൻ്റെ നിറം, വംശം, ലിംഗഭേദം അല്ലെങ്കിൽ മതം എന്നിവ കാരണം ശാരീരിക ആക്രമണത്തിന് വിധേയമാകുമോ എന്ന ആശങ്ക വളരെ കുറവാണ്. 17.09 ആണ് ഇതിന്റെ സ്‌കോർ. ആക്രമിക്കപ്പെടുമോ എന്ന ആശങ്ക 12.13 സ്‌കോർ വരെ കുറവാണ്. കവർന്നെടുക്കപ്പെടുകയോ കൊള്ളയടിക്കപ്പെടുകയോ ചെയ്യുന്നതിനെക്കുറിച്ചുള്ള ആശങ്കകൾ 10.50 വരെ കുറവാണ്.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
