വിമാനത്താവളവും വ്യോമമേഖലയും വീണ്ടും തുറന്നതിനെ തുടർന്ന് ഇറാനിലേക്കുള്ള ഷെഡ്യൂൾ ചെയ്തിരുന്ന സർവീസുകൾ പുനരാരംഭിക്കുമെന്ന് ഖത്തർ എയർവേയ്‌സ് അറിയിച്ചു.
ഇറാനിലെ ടെഹ്‌റാൻ, മഷാദ്, ഷിറാസ്, ഇസ്ഫഹാൻ എന്നിവയുൾപ്പെടെ നാല് ഗേറ്റ്‌വേകളിലേക്ക് ഖത്തർ എയർവേയ്‌സ് പ്രതിവാരം 20 വിമാനങ്ങൾ വീതം.സർവീസ് നടത്തുന്നു.
അമ്മാൻ, ബെയ്‌റൂട്ട്, ബാഗ്ദാദ് എന്നിവിടങ്ങളിലേക്കുള്ള സർവീസുകൾ പുനരാരംഭിച്ചതായി അറിയിച്ചുകൊണ്ട് എയർലൈൻ ഇന്നലെ ഏപ്രിൽ 14 ന് യാത്രാ മുന്നറിയിപ്പ് നൽകി.
രണ്ട് സന്ദർഭങ്ങളിലും, തങ്ങളുടെ യാത്രക്കാരുടെ സുരക്ഷ മുൻഗണനയായി തുടരുമെന്ന് ഖത്തർ എയർവേസ് ഊന്നിപ്പറഞ്ഞു.
യാത്രക്കാർക്ക് അവരുടെ വെബ്‌സൈറ്റ് വഴിയുള്ള ഏറ്റവും പുതിയ യാത്രാ അലേർട്ടുകൾ സംബന്ധിച്ച് അപ്‌ഡേറ്റ് ചെയ്യാം. അല്ലെങ്കിൽ സഹായത്തിനായി +974 4144 5555 എന്ന ഹോട്ട്‌ലൈൻ നമ്പറിൽ വിളിക്കാനും എയർലൈൻ നിർദ്ദേശിച്ചു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KzKal0sXKHF3P2dagEwpi5
