ഖത്തറിലെ മുൻനിര റിയൽ എസ്റ്റേറ്റ് ഡെവലപ്പറായ മുഷൈരിബ് പ്രോപ്പർട്ടീസ്, രാജ്യത്ത് സ്മാർട്ട്, പരിസ്ഥിതി സൗഹൃദ നഗര പദ്ധതികൾ വളർത്തുന്നതിനായി ഖത്തർ ഇൻവെസ്റ്റ്‌മെന്റ് അതോറിറ്റിയുമായി (ക്യുഐഎ) പങ്കാളിത്തം ഉറപ്പിക്കുന്ന കരാറിൽ ഒപ്പുവെച്ചു.
കരാറിന്റെ ഭാഗമായി, മുഷൈരിബ് പ്രോപ്പർട്ടീസിൽ 49% ഓഹരി ഖത്തർ ഇൻവെസ്റ്റ്‌മെന്റ് അതോറിറ്റി വാങ്ങി. സ്മാർട്ട് ആയ, ജനങ്ങളെ കേന്ദ്രീകരിച്ചുള്ള നഗരങ്ങൾ നിർമ്മിക്കുന്നതിനുള്ള കമ്പനിയുടെ പദ്ധതികളിൽ QIA-ക്കുള്ള വിശ്വാസമാണ് ഇത് കാണിക്കുന്നത്. ഖത്തർ ഫൗണ്ടേഷനാണു ബാക്കിയുള്ള 51% ഓഹരികളിൽ ഭൂരിഭാഗവും സ്വന്തമാക്കിയിട്ടുള്ളത്.
ഖത്തർ നാഷണൽ വിഷൻ 2030-നെ പിന്തുണച്ചു കൊണ്ടുള്ള, സുസ്ഥിര റിയൽ എസ്റ്റേറ്റ് പദ്ധതികളുടെ വികസനം വേഗത്തിലാക്കാൻ ഈ പങ്കാളിത്തം സഹായിക്കും. രാജ്യത്തിന്റെ സമ്പദ്‌വ്യവസ്ഥ വളർത്തുന്നതിനും പരിസ്ഥിതി സംരക്ഷിക്കുന്നതിനുമുള്ള ലക്ഷ്യത്തെയും ഇത് പിന്തുണയ്ക്കുന്നു.
സുസ്ഥിര വികസനത്തിൽ ലോകത്തിൽ ഒന്നാം സ്ഥാനത്തെത്തുക എന്ന ഖത്തറിന്റെ ലക്ഷ്യത്തെ പിന്തുണയ്ക്കുന്നതാണ് ഈ നീക്കം. ഖത്തരി സംസ്‌കാരത്തിൽ നിന്ന് പ്രചോദനം ഉൾക്കൊണ്ട് സ്മാർട്ട് സാങ്കേതികവിദ്യ, ശക്തമായ അടിസ്ഥാന സൗകര്യങ്ങൾ, വാസ്തുവിദ്യ എന്നിവയുടെ പേരിൽ മുഷൈരിബ് ഡൗൺടൗൺ ദോഹ ഇതിനകം തന്നെ ആഗോളതലത്തിൽ അറിയപ്പെടുന്നുണ്ട്.
ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ് 👇https://chat.whatsapp.com/EXau0c7bVzpANryExd3Apv
