2024-ൻ്റെ മൂന്നാം പാദത്തിൽ ഖത്തറിൽ മിഡ്-റൈസ് റെസിഡൻഷ്യൽ ബിൽഡിങ്ങുകളിലും സ്റ്റാൻഡ്എലോൺ വില്ലകളിലുമായി 410 ഹൗസിങ് യൂണിറ്റുകൾ വിതരണം ചെയ്‌തിട്ടുണ്ട്‌. വാലുസ്ട്രാറ്റ് ഇന്നലെ പുറത്തുവിട്ട റിപ്പോർട്ട് അനുസരിച്ച്, ജൂലൈ മുതൽ സെപ്റ്റംബർ വരെയുള്ള മൊത്തം റെസിഡൻഷ്യൽ സ്റ്റോക്ക് ഏകദേശം 396,000 യൂണിറ്റുകളാണ്. 248,000 അപ്പാർട്ട്മെന്റുകളും 148,000 വില്ലകളും ഇതിലുൾപ്പെടുന്നു.
ഈ വർഷത്തെ വിതരണം 7,000 അപ്പാർട്ടുമെന്റുകളിൽ എത്താൻ സാധ്യതയുണ്ടെന്ന് റിപ്പോർട്ട് സൂചിപ്പിക്കുന്നു. 240 യൂണിറ്റുകൾ അടങ്ങിയ കോർണിഷ് പാർക്ക് ടവേഴ്‌സ്, തേർട്ടിഫൈവ് ടവർ – 245, ഗെവാൻ ഐലൻഡ് -586, ഫോക്‌സ് ഹിൽസ് ആൻഡ് എർക്യാഹ് -570, ദോഹയിൽ 850 യൂണിറ്റുകളുള്ള സമ്മിശ്ര വികസന പദ്ധതി എന്നിവയെല്ലാം ഇതിലുൾപ്പെടുന്നു. 4,000 വസതികൾ വരും വർഷത്തിൽ ഡെലിവർ ചെയ്യപ്പെടുമെന്ന് പ്രതീക്ഷിക്കുന്നു. ഇതിൽ നാൽപത് ശതമാനവും ലുസൈൽ നഗരത്തിലായിരിക്കും.
എന്നിരുന്നാലും, കഴിഞ്ഞ പാദത്തിൽ റെസിഡൻഷ്യൽ ഹൗസുകളുടെ ഇടപാടുകളുടെ നിരക്ക് 2023-നെ അപേക്ഷിച്ച് 18 ശതമാനവും കഴിഞ്ഞ പാദത്തെ അപേക്ഷിച്ച് 15 ശതമാനവും കുറഞ്ഞു. റെസിഡൻഷ്യൽ ഹൗസുകളുടെ ശരാശരി ടിക്കറ്റ് QR2.6m ആണ്. അൽ വുകൈർ, ഉമ്മു ഖാൻ, നുഐജ, അൽ ഖോർ, ദി പേൾ ഖത്തർ, അൽ ഖസ്സർ എന്നിവയാണ് റസിഡൻഷ്യൽ ഹൗസുകൾക്കായി ഏറ്റവും കൂടുതൽ ഇടപാടുകൾ നടത്തിയതെന്ന് റിപ്പോർട്ട് വ്യക്തമാക്കുന്നു. .
റെസിഡൻഷ്യൽ അപ്പാർട്ടുമെൻ്റുകളുടെ ശരാശരി പ്രതിമാസ വാടക നിരക്ക് ഈ പാദത്തിൽ സ്ഥിരത പുലർത്തിയിരുന്നുവെങ്കിലും വർഷം തോറുമുള്ള കണക്കിൽ 4.7 ശതമാനം കുറഞ്ഞു. QR6,000 ഉള്ള അപ്പാർട്ട്‌മെൻ്റുകളുടെ ശരാശരി പ്രതിമാസ വാടക മൂല്യം, 2024 Q2 മുതൽ വലിയ മാറ്റമില്ലെങ്കിലും, പ്രതിവർഷം 5.5 ശതമാനം ഇടിഞ്ഞതായും ഡാറ്റ കാണിക്കുന്നു.
വൺ ബെഡ്‌റൂം അപ്പാർട്ട്‌മെൻ്റുകൾക്ക് ശരാശരി പ്രതിമാസ വാടക നിരക്ക് QR5,000 ആണ്, രണ്ട് കിടപ്പുമുറികൾക്ക് QR6,250, മൂന്ന് കിടപ്പുമുറികൾക്ക് 8,000 QR ആണ് വാടക. മറുവശത്ത്, വെസ്റ്റ് ബേയിലെയും ലുസൈലിലെയും വാടക മുൻ പാദത്തെ അപേക്ഷിച്ച് യഥാക്രമം 3 ശതമാനവും 5 ശതമാനവും കുറഞ്ഞു. എന്നിരുന്നാലും, ദി പേളിലെ വാടക നിരക്ക് 5 ശതമാനം വർധിച്ചു.
കഴിഞ്ഞ പാദത്തിൽ 13,000 അപ്പാർട്ട്മെൻ്റ് വാടക കരാറുകൾ ഒപ്പുവെച്ചതായി വ്യവസായ വിദഗ്ധർ അഭിപ്രായപ്പെടുന്നു. വില്ലകളുടെ ശരാശരി വാടക 1.1 ശതമാനം വർധിച്ചതായും 2023-നെ അപേക്ഷിച്ച് സ്ഥിരത നിലനിർത്തിയതായും വാലുസ്ട്രാറ്റ് ഡാറ്റ സൂചിപ്പിക്കുന്നു.
കഴിഞ്ഞ പാദത്തെ അപേക്ഷിച്ച് അൽ ദുഹൈൽ, അൽ ഗരാഫ, അൽ വാബ്, അൽ വക്ര എന്നിവിടങ്ങളിലെ വാടകയിൽ നേരിയ വർധനയുണ്ടായി. മൂന്ന് ബെഡ്‌റൂം വില്ല അപ്പാർട്ട്‌മെൻ്റിൻ്റെ ശരാശരി പ്രതിമാസ നിരക്ക് QR11,750, നാല് ബെഡ്‌റൂം വില്ലയ്ക്ക് QR12,250, അഞ്ച് ബെഡ്‌റൂം വില്ലയ്ക്ക് QR14,000 എന്നിങ്ങനെയാണ് വാടക വരുന്നത്.
-
-
-
-
