നാളെ മുതൽ ശക്തമായ കാറ്റും വേലിയേറ്റവും ഉണ്ടാകുമെന്ന് ഖത്തർ കാലാവസ്ഥാ വകുപ്പ്

നാളെ, നവംബർ 22 മുതൽ അടുത്ത ആഴ്ച്ച വരെ ഖത്തറിൽ ശക്തമായ കാറ്റും വേലിയേറ്റവും പ്രവചിക്കപ്പെടുന്നു. ഖത്തർ കാലാവസ്ഥാ വകുപ്പ് ഈ ദിവസങ്ങളിൽ സമുദ്രപ്രവർത്തനങ്ങൾ നടത്തുന്നവർ സൂക്ഷിക്കണമെന്ന മുന്നറിയിപ്പ് നൽകിയിട്ടുണ്ട്.

ഈ സമയത്ത്, കടലിലെ തിരമാലകൾ 2 മുതൽ 8 അടി വരെ ഉയരും, ചിലപ്പോൾ 10 അടി വരെ ഉയരാനും സാധ്യതയുണ്ട്.

കാലാവസ്ഥ ആദ്യം മൂടൽമഞ്ഞ് നിറഞ്ഞതായിരിക്കും, പിന്നീട് സൗമ്യമായി മേഘങ്ങൾ നിറഞ്ഞ, ചൂടുള്ള കാലാവസ്ഥയിലേക്ക് പോകും.

വാരാന്ത്യത്തിലെ താപനില 23 ഡിഗ്രി സെൽഷ്യസ് മുതൽ 32 ഡിഗ്രി സെൽഷ്യസ് വരെയാകുമെന്ന് ക്യുഎംഡി പറയുന്നു.