![](https://qatarmalayalees.com/wp-content/uploads/2021/10/image_editor_output_image-417600059-1634207190991.jpg)
ഖത്തർ റെയിലിന്റെ ഫീഡർ ബസ് നെറ്റ്വർക്ക് ആയ മെട്രോലിങ്ക് ഒക്ടോബർ 17 മുതൽ 3 പുതിയ റൂട്ടുകളിൽ കൂടി സർവീസ് ആരംഭിക്കും.
എം 106, എം 107 എന്നിവ, വെസ്റ്റ് ബേ ക്യുപി സ്റ്റേഷനിൽ നിന്ന് യഥാക്രമം ഒനൈസ 65 ഏരിയയിലേക്കും ലെജ്ബൈലറ്റ് ഏരിയയിലേക്കും; എം 314 – ജോവാൻ സ്റ്റേഷനിൽ നിന്ന് അൽ നാസർ, അൽ മിർകാബ് അൽ ജദീദ് ഏരിയയിലേക്കും; എന്നിങ്ങനെയാണ് പുതുതായി ആരംഭിക്കുന്ന 3 റൂട്ടുകൾ.
ദോഹ മെട്രോ സ്റ്റേഷനുകളുടെ 2 മുതൽ 5 കിലോമീറ്റർ വരെ ചുറ്റളവിൽ ഖത്തർ റെയിൽ യാത്രക്കാരെ കൊണ്ടുവിടാനുള്ള ലാസ്റ്റ് മെയിൽ കണക്ടിവിറ്റിയാണ് മെട്രോലിങ്ക്.
കോവിഡിനെത്തുടർന്നു കഴിഞ്ഞ വർഷം പൂർണ്ണമായും നിർത്തിവച്ച മെട്രോലിങ്ക് സർവീസുകൾ ക്രമേണ പുനരാരംഭിച്ചു കൊണ്ടിരിക്കുകയാണ്.