റമദാൻ ഒരുക്കങ്ങളുടെ ഭാഗമായി ലുലു ഗ്രൂപ്പ് അബു സിദ്ര ശാഖയിലെ ലുലു ഹൈപ്പർമാർക്കറ്റിൽ ‘റമദാൻ സൂഖ്’ ആരംഭിച്ചു. അബു സിദ്ര ശാഖയിലെ ലുലു ഹൈപ്പർമാർക്കറ്റിൽ ഞായറാഴ്ച റമദാൻ സൂഖിന്റെ ഉദ്ഘാടന ചടങ്ങ് നടന്നു.
ഈത്തപ്പഴം, തേൻ, പരിപ്പ്, മറ്റ് പലചരക്ക് സാധനങ്ങൾ മുതൽ വീട്ടുപകരണങ്ങൾ, അലങ്കാര വസ്തുക്കൾ, ഫർണിച്ചറുകൾ, കർട്ടനുകളും പരവതാനികളുമടക്കുമുള്ള മറ്റു വസ്തുക്കൾ തുടങ്ങിയവയ്ക്ക് പ്രത്യേക ഓഫറുകളുള്ളതാണ് ലുലുവിലെ ‘റമദാൻ സൂഖ്’. റമദാനിന് ആവശ്യമായ മറ്റെല്ലാ അവശ്യസാധനങ്ങളും സൂഖിൽ ലഭ്യമാണ്.
മാർച്ച് 19 മുതൽ ഈദ് അവധി വരെ നീണ്ടുനിൽക്കുന്ന പ്രത്യേക റമദാൻ പ്രമോഷനും അബു സിദ്രയിലെ ലുലു ഹൈപ്പർമാർക്കറ്റിൽ നടക്കും. ഒന്നിലധികം ഓഫറുകൾക്കും ഡിസ്‌കൗണ്ടുകൾക്കും ഒപ്പം രണ്ട് ടൊയോട്ട ലാൻഡ്‌ക്രൂയിസർ VXR (ഫുൾ ഓപ്ഷൻ) കാറുകൾ ഉൾപ്പെടെയുള്ള സമ്മാനങ്ങളും ലഭിക്കും.
‘റമദാൻ സൂഖിന്’ പുറമേ, പലചരക്ക് സാധനങ്ങൾ, ശീതീകരിച്ച ഭക്ഷണങ്ങൾ, ഫ്രഷ് ഫുഡ്, ഹോട്ട് ഫുഡ് & ബേക്കറി, ക്ലീനിംഗ് & ആക്സസറികൾ, വീട്ടുപകരണങ്ങൾ & അലങ്കാരങ്ങൾ, വസ്ത്രങ്ങൾ എന്നിവയുൾപ്പെടെ നിരവധി ഉൽപ്പന്നങ്ങൾക്ക് ലുലുവിന് പ്രത്യേക ഓഫറുകളും കിഴിവുകളും ഉണ്ട്.
ഗൃഹോപകരണങ്ങൾ – (ഷോപ്പർമാർക്ക് അവരുടെ സൗകര്യാർത്ഥം സ്റ്റോറിലും ഓൺലൈനിലും), അരി, പാൽപ്പൊടി, പഞ്ചസാര, എണ്ണ, മറ്റ് അവശ്യവസ്തുക്കൾ തുടങ്ങിയ പലചരക്ക് സാധനങ്ങൾ അടങ്ങിയ പ്രത്യേക റംസാൻ കിറ്റുകളും സാധാരണ വിപണി വിലയേക്കാൾ കുറഞ്ഞ നിരക്കിൽ ലഭിക്കും.
സെൻട്രൽ മുനിസിപ്പൽ കൗൺസിൽ (സിഎംസി) അംഗങ്ങളായ മുബാറക് ഫ്രീഷ്, ബദർ അൽ റുമൈഹി, മുഹമ്മദ് മൻസൂർ, ഖത്തർ തോറാസ് സൊസൈറ്റി, ഖത്തർ സൊസൈറ്റി ഫോർ റീഹാബിലിറ്റേഷൻ ആൻഡ് സ്‌പെഷ്യൽ നീഡ്‌സ് പബ്ലിക് റിലേഷൻസ് മേധാവി ധേയാ അൽഷ്‌മരെ എന്നിവർ ഉദ്ഘാടന ചടങ്ങിൽ പങ്കെടുത്തു.
ഖത്തർ ചാരിറ്റിയിലെ മുതിർന്ന ഉദ്യോഗസ്ഥരും ലുലു ഗ്രൂപ്പ് ഇന്റർനാഷണൽ ഡയറക്ടർ ഡോ. മുഹമ്മദ് അൽത്താഫും മറ്റ് മുതിർന്ന ലുലു ഉദ്യോഗസ്ഥരും ഉൾപ്പെടെ നിരവധി പ്രമുഖരും ചടങ്ങിൽ പങ്കെടുത്തു.
