“സുഹൈലി”ന് വരാൻ അരങ്ങൊരുങ്ങി; അൽ കിലൈബെയ്‌ൻ ഇന്നുദിക്കും

ദോഹ: അൽ നാഥ്റ എന്നറിയപ്പെടുന്ന അൽ കിലൈബെയ്‌ൻ നക്ഷത്രം ഇന്ന് രാത്രി ഉദിക്കുമെന്നും ഇത് അടുത്ത 13 ദിവസത്തേക്ക് തുടരുമെന്നും ഖത്തറിലെ സിവിൽ ഏവിയേഷൻ അതോറിറ്റി റിപ്പോർട്ട് ചെയ്തു.

വേനൽക്കാലത്തെ നക്ഷത്രങ്ങളിൽ ആറാമത്തേതും ജംറത്ത് അൽ ഖായിത്തിലെ അവസാനത്തെ നക്ഷത്രവുമാണ് അൽ കിലൈബെയ്ൻ. ഈ കാലയളവിൽ ചൂടും ഈർപ്പവുമുള്ള താപനില തുടരും. കാറ്റ് പ്രധാനമായും വടക്കുപടിഞ്ഞാറായി വീശും.

അൽ കിലൈബെയിനിന്റെ മധ്യ ഘട്ടത്തോടെ സുഹൈൽ നക്ഷത്രം പ്രത്യക്ഷപ്പെടും. ഈ സമയത്ത് താപനില സാവധാനത്തിലും ക്രമേണയും തണുക്കാൻ തുടങ്ങും.

ഓഗസ്റ്റ് 24-ന് ഖത്തറിന്റെ ആകാശത്തിന് മുകളിൽ സുഹൈൽ നക്ഷത്രം പ്രത്യക്ഷപ്പെടുമെന്ന് പ്രതീക്ഷിക്കുന്നതായി ഖത്തർ കലണ്ടർ ഹൗസിലെ (ക്യുസിഎച്ച്) ജ്യോതിശാസ്ത്രജ്ഞനായ ഡോ. ബഷീർ മർസൂഖ് പറഞ്ഞു.

സുഹൈൽ എന്ന നക്ഷത്രത്തിന്റെ ഉദയം ഗൾഫ് മേഖലയിലെ ജനങ്ങൾക്ക് വലിയ ആഹ്ലാദം പകരുന്നതായി ഡോ. മർസൂഖ് അഭിപ്രായപ്പെട്ടു. ഇത് കാലാവസ്ഥയിലെ മിതത്വത്തെയും കാലാനുസൃതമായ മാറ്റത്തിന്റെ തുടക്കത്തെയും ചുട്ടുപൊള്ളുന്ന കാറ്റിന്റെ അവസാനത്തെയും സൂചിപ്പിക്കുന്നു. വൈകുന്നേരങ്ങളിൽ വെള്ളം തണുക്കുകയും രാത്രി നീണ്ടുനിൽക്കുകയും ചൂടിന്റെ തീവ്രത പകൽ കുറയുകയും ചെയ്യും.

സുഹൈൽ നക്ഷത്രവുമായി ബന്ധപ്പെട്ട “തണുത്ത രാത്രികളെയും വെള്ളപ്പൊക്കത്തെയും” കുറിച്ച് ഒരു പഴയ ഗൾഫ് അറബ് കഥയുണ്ട്. ഇത് പ്രകാരം മഴയ്ക്കുള്ള സാധ്യതയും ഈ നക്ഷത്രവുമായി ബന്ധപ്പെട്ടിരിക്കുന്നു എന്നും ഡോ. മർസൂഖ് കൂട്ടിച്ചേർത്തു.

സുഹൈലിന്റെ നക്ഷത്രത്തിന് 52 ദിവസം ദൈർഘ്യമുണ്ടെന്ന് അദ്ദേഹം അഭിപ്രായപ്പെട്ടു. 4 കാലഘട്ടങ്ങളായി വിഭജിച്ചിരിക്കുന്നു – ഓരോന്നിനും 13 ദിവസം നീണ്ടുനിൽക്കും. ഓരോ കാലഘട്ടം കഴിയുന്തോറും താപനില കുറയുന്നു.

‘സുഹൈൽ’ നക്ഷത്രത്തിന് നാല് ഘട്ടങ്ങളുണ്ട്, അൽ-തർഫയിൽ തുടങ്ങി, ‘അൽ-ജബ’, ‘അൽ-സീബ്ര’, “അൽ-സർഫ” എന്നിവയാണവ.

ഖത്തർ കാലാവസ്ഥാ വകുപ്പിന്റെ (ക്യുഎംഡി) മുമ്പത്തെ റിപ്പോർട്ട് അനുസരിച്ച്, “അൽ-തർഫ” യുടെ ആദ്യ ഘട്ടത്തിൽ, കാലാവസ്ഥ ചൂടും ഈർപ്പവുമാണ്, എന്നാൽ “അൽ-സർഫ” ഉയരുന്നതോടെ ചൂടും ഈർപ്പവും ക്രമേണ കുറയാൻ തുടങ്ങുന്നു. .

സുഹൈൽ നക്ഷത്രത്തിന്റെ അടയാളങ്ങളിലൊന്ന് സൂര്യരശ്മികളുടെ ആംഗിൾ കുറയുന്നതാണ് എന്നും കൂടാതെ ദിവസം ക്രമേണ ചുരുങ്ങാൻ തുടങ്ങുകയും ചെയ്യുമെന്ന് ജിദ്ദയിലെ അസ്‌ട്രോണമിക്കൽ സൊസൈറ്റിയുടെ തലവൻ മജീദ് അബു സഹ്‌റ അലറാബിയയ്ക്ക് നൽകിയ അഭിമുഖത്തിൽ പറഞ്ഞു.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/Hqdo3Xy51yW9XU2HVyXb0j