ഏകദേശം 3 മില്യൺ ലോകകപ്പ് ടിക്കറ്റുകൾ വിറ്റഴിഞ്ഞതായി ഫിഫ അറിയിച്ചു. കഴിഞ്ഞ നാല് വർഷമായി വരുമാനം 7.5 ബില്യൺ ഡോളറിലേക്ക് ഉയർത്താൻ ടൂർണമെന്റ് സഹായിച്ചതായി ഫിഫ ഗവേണിംഗ് ബോഡി പ്രസിഡന്റും വെളിപ്പെടുത്തി.
ഞായറാഴ്ചത്തെ ഉദ്ഘാടന ദിവസം വരെ 2.95 മില്യൺ ടിക്കറ്റുകൾ വിറ്റഴിച്ചതായി ഫിഫ വക്താവ് പറഞ്ഞു.
ലോകകപ്പിന്റെ ഔദ്യോഗിക ആരംഭത്തിന്റെ ആവേശം ടിക്കറ്റ് വില്പനയിലും ഇന്നലെ മുതൽ പ്രതിഫലിച്ചു.
ദോഹയിലെ ഫിഫ ടിക്കറ്റ് സെന്ററിന് പുറത്ത് ക്യൂകൾ ഉയർന്നു, ഔദ്യോഗിക ഓൺലൈൻ ടിക്കറ്റ് പ്ലാറ്റ്‌ഫോമിൽ എത്താൻ ആരാധകർ ദീർഘനേരം കാത്തിരിക്കേണ്ടി വരുന്നതായി റിപ്പോർട്ട് ചെയ്യുന്നു.
2018ൽ 2.4 മില്യണിലധികം ടിക്കറ്റുകൾ വിറ്റഴിഞ്ഞ റഷ്യയെ ഖത്തർ ഇതിനകം മറികടന്നു.
ഖത്തർ, സൗദി അറേബ്യ, അമേരിക്ക, മെക്‌സിക്കോ, ബ്രിട്ടൻ, യുണൈറ്റഡ് അറബ് എമിറേറ്റ്‌സ്, അർജന്റീന, ഫ്രാൻസ്, ഇന്ത്യ, ബ്രസീൽ എന്നിവയാണ് മുൻനിര ടിക്കറ്റ് ഉപഭോക്താക്കളെന്ന് ഫിഫ വക്താവ് പറഞ്ഞു.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇 https://chat.whatsapp.com/KUkVGQZAiWk2eZ4uRV9HKu
