താൽക്കാലിക കിയോസ്‌ക്കുകൾ ക്ഷണിച്ച് സൂഖ് വാഖിഫ്

ഖത്തറിന്റെ സ്വന്തം പൈതൃക വിപണിയായ സൂഖ് വാഖിഫ് താൽക്കാലിക കാർട്ടുകൾക്കും കിയോസ്കുകൾക്കുമായി വെണ്ടർമാരെ ക്ഷണിച്ചു.

വെണ്ടർമാരുടെ വാണിജ്യ ആവശ്യങ്ങൾക്കായി സ്ഥലം ലഭ്യമാണെന്ന് അധികൃതർ അറിയിച്ചു: പാനീയങ്ങൾ, ലഘുഭക്ഷണം, ഐസ്ക്രീം മധുരപലഹാരങ്ങൾ, സുവനീർ, കളിപ്പാട്ട കടകൾ തുടങ്ങിയവയ്ക്കായി സ്ഥലം ലഭ്യമാണ്.

താല്പര്യമുള്ളവർക്ക് ഈ മാസം അവസാനം, ഒക്ടോബർ 30, വരെ സൂഖ് വാഖിഫ് ഇ-മെയിലിലേക്ക് അപേക്ഷകൾ സമർപ്പിക്കാം – s.waqif2022@gmail.com

അപേക്ഷയോടൊപ്പം PDF ഫോർമാറ്റിൽ സമർപ്പിക്കേണ്ട രേഖകൾ ഇവയാണ് – സാധുവായ വാണിജ്യ ലൈസൻസ്, കിയോസ്കിലെ തൊഴിലാളികൾക്കുള്ള ആരോഗ്യ സർട്ടിഫിക്കറ്റ്, വണ്ടിയുടെ/ബൂത്തിന്റെ ഫോട്ടോയും അതിന്റെ വലിപ്പവും.

ഖത്തറിലെ ഒരു പ്രധാന ടൂറിസം ലാൻഡ്‌മാർക്കായ സൂഖ് വാഖിഫ് ഈ മേഖലയിലെ ഏറ്റവും പ്രശസ്തമായ പരമ്പരാഗത മാർക്കറ്റുകളിലൊന്നാണ്.

🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ >വാട്ട്സ്ആപ്പ് ഗ്രൂപ്പിൽ ജോയിൻ ചെയ്യൂ👇 https://chat.whatsapp.com/EE7FCSjsvOp7KjO2Izi4aI