ഖത്തർ ഫൗണ്ടേഷൻ്റെ ഭാഗമായ സിദ്ര മെഡിസിൻ ഖത്തറിലെ ആദ്യത്തെ പ്രാദേശിക കോർഡ് ബ്ലഡ് സ്റ്റോറേജ് സേവനം ആരംഭിച്ചു, ഭാവിയിലെ മെഡിക്കൽ ആവശ്യങ്ങൾക്കായി നവജാതശിശുക്കളുടെ മൂലകോശങ്ങൾ സൂക്ഷിക്കാൻ കുടുംബങ്ങളെ അനുവദിക്കുന്നതിനാണ് ഈ സേവനം ആരംഭിച്ചിരിക്കുന്നത് .
കുഞ്ഞിൻ്റെ പൊക്കിൾ കൊടിയിൽ നിന്നും മറുപിള്ളയിൽ നിന്നും ജനനത്തിനു തൊട്ടുപിന്നാലെ രക്തം ശേഖരിക്കുന്നു, ഇത് അമ്മയ്‌ക്കോ കുഞ്ഞിനോ ദോഷം വരുത്താത്ത വേദനയില്ലാത്ത പ്രക്രിയയാണ്. ഈ രക്തത്തിൽ സ്റ്റെം സെല്ലുകളാൽ സമ്പുഷ്ടമാണ്, ഇത് ചില ക്യാൻസറുകൾ, രക്ത വൈകല്യങ്ങൾ, രോഗപ്രതിരോധ പ്രശ്നങ്ങൾ തുടങ്ങിയ രോഗങ്ങൾക്ക് ചികിത്സിക്ക് ഉപയോഗിക്കാൻ കഴിയും.
പ്രൊഫ. ജോണി അവ്വാദ് പറയുന്നതനുസരിച്ച്, ഖത്തറിൽ പ്രാദേശികമായി ഇത്തരത്തിൽ രക്തം സംഭരിക്കുന്ന ഒരേയൊരു സ്ഥാപനമാണ് സിദ്ര മെഡിസിൻ. ആവശ്യമുള്ളപ്പോൾ കുടുംബങ്ങൾക്ക് ഈ സാമ്പിളുകൾ വേഗത്തിൽ ആക്‌സസ് ചെയ്യാൻ കഴിയും . ലോകമെമ്പാടുമുള്ള പല മാതാപിതാക്കളും ഇപ്പോൾ തങ്ങളുടെ കുഞ്ഞിൻ്റെ സ്റ്റെം സെല്ലുകൾ സൂക്ഷിക്കാൻ തിരഞ്ഞെടുക്കുന്നുണ്ട്, ഇത് ഭാവിയിൽ അവരുടെ കുട്ടിയെയോ സഹോദരങ്ങളെയോ സഹായിച്ചേക്കാം.
സിദ്ര മെഡിസിൻ്റെ പ്രത്യേക ലാബിലാണ് സാമ്പിളുകൾ സൂക്ഷിച്ചിരിക്കുന്നത്, അവിടെ നൂതന ഫ്രീസിംഗ് സാങ്കേതികവിദ്യ ഉപയോഗിച്ച് 30 വർഷത്തിലേറെ ഈ സാമ്പിളുകൾ സുരക്ഷിതമായി സൂക്ഷിക്കാനാകും. ഭാവിയിലെ ചികിത്സകൾക്ക് സ്റ്റെം സെല്ലുകൾ ഉപയോഗിക്കാനാവുന്നതിനാൽ, പ്രത്യേകിച്ച് ജനിതക ആരോഗ്യ പ്രശ്‌നങ്ങളുള്ള കുടുംബങ്ങൾക്ക് ഈ സേവനം അനിവാര്യമാണെന്ന് സിദ്ര മെഡിസിനിലെ പ്രൊഫ. ഖാലിദ് ഫഖ്‌രോ കൂട്ടിച്ചേർത്തു.
കൂടുതൽ കുടുംബങ്ങൾക്ക് സ്റ്റെം സെൽ ബാങ്കിംഗ് ലഭ്യമാക്കുന്നതിനായി, സിദ്ര മെഡിസിൻ, സ്റ്റെം സെൽ ബാങ്കിംഗിൽ വിദഗ്ധരായ സെൽസേവ് അറേബ്യ എന്ന കമ്പനിയുമായി സഹകരിക്കുന്നുണ്ട്. ഈ പങ്കാളിത്തം വഴി ഏത് ആശുപത്രിയിൽ പ്രസവിച്ചാലും ഖത്തറിലെ കുടുംബങ്ങൾക്ക് അവരുടെ കുഞ്ഞിൻ്റെ മൂലകോശങ്ങൾ പ്രാദേശികമായി സൂക്ഷിക്കാൻ കഴിയും.
സിദ്ര മെഡിസിനും സെൽസേവ് അറേബ്യയും ചേർന്ന് ഖത്തറിലെ ആരോഗ്യ സംരക്ഷണ ലഭ്യത മെച്ചപ്പെടുത്തുന്നതിനായി പൊക്കിൾക്കൊടി, പ്ലാസൻ്റൽ ടിഷ്യൂകൾ എന്നിവ പോലുള്ള മറ്റ് തരത്തിലുള്ള സ്റ്റോറേജ് അവതരിപ്പിക്കാനും പദ്ധതിയിടുന്നുണ്ട്.
-
-
-
-
