നവംബർ 16 ന് ദോഹ ഉൾപ്പെടെ രാജ്യത്തെ വിവിധ പ്രദേശങ്ങളിൽ ഇന്ന് ഇടിമിന്നലിന്റെ അകമ്പടിയോടെ മഴ ലഭിച്ചു. ഖത്തറിൽ ശക്തമായ കാറ്റിനും ഇടിമിന്നലിനും സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നൽകി.
ഈ കാലാവസ്ഥ നാളെ നവംബർ 17 വരെ നിലനിൽക്കുമെന്ന് വകുപ്പ് പ്രവചിക്കുന്നു. ഭാഗികമായി മേഘാവൃതമായ ആകാശവും മിതമായതോ കനത്തതോ ആയ തീവ്രതയിൽ മഴ പെയ്യാനുള്ള സാധ്യതയും ഒപ്പം തണുപ്പും രാജ്യത്ത് അനുഭവപ്പെടുമെന്ന് വകുപ്പ് പറഞ്ഞു.
പെട്ടെന്നുള്ള ശക്തമായ കാറ്റ് പൊടി ഉയരാൻ കാരണമായേക്കാമെന്നും ഇത് തിരശ്ചീന ദൃശ്യപരത കുറയുന്നതിന് കാരണമാകുമെന്നും മുന്നറിയിപ്പ് നൽകി.
ഈ കാലയളവിൽ വാഹനമോടിക്കുന്നവർ മുൻകരുതലുകൾ എടുക്കണം. റോഡിലെ സുരക്ഷാ നിയമങ്ങൾ പാലിക്കണമെന്നും വകുപ്പ് അഭ്യർത്ഥിച്ചു. ട്രാക്കുകൾക്കിടയിൽ സാവധാനം നീങ്ങുക, വേഗത കുറയ്ക്കുക, ഹെഡ്‌ലൈറ്റുകൾ ഓണാക്കുക, സുരക്ഷിതമായ അകലം പാലിക്കുക, മൊബൈൽ ഫോണ് ഉപയോഗിക്കാതിരിക്കുക, വെള്ളത്തിനടിയിലായ റോഡുകൾ ഒഴിവാക്കുക തുടങ്ങിയവ.
🇶🇦 ഖത്തറിലെ വാർത്തകളും വിവരങ്ങളും തത്സമയം ലഭിക്കാൻ -വാട്ട്സ്ആപ്പ് ഗ്രൂപ്പ്👇https://chat.whatsapp.com/KymOKj4Bi1pF8sPsKUwSuv
